校長燒肉日韓料理 (沙咀道) (Closed)

今日同屋企人去咗荃灣嘅校長燒肉日韓料理，佢有9款魚生同五十幾款食物俾我哋燒烤或者打邊爐，仲有幾款點心、熟食、炸物、糖水、甜品、雪糕、雪條等，佢提供咗3款湯底俾我哋打邊爐，我揀咗豬骨同壽喜燒，我幾欣賞佢有個熱飲嘅櫃，適合鍾意飲熱飲嘅人飲用，仲有花茶區，佢展示咗唔同花茶嘅功用，俾我哋自己照各人喜好，自己自由配搭沖茶。每張枱擺放5枝調味料俾我哋調味，少見於其他餐廳。豬腳薑同台灣腸唔係度度都提供，我覺得值得一試。最吸引我嘅係佢啲雪糕雪條，可惜我太飽，已經食唔落......