校長燒肉日韓料理 (沙咀道) (Closed)

成日去元朗都會去校長燒肉，最近係荃灣就開左分店(舊韓曰燒個位)。本來唸住訂定位，知道一定好多人，不過問左原來中午只有walkin，不過好好彩，個場夠晒大，去到都即時有位。同元朗店唔同既係，佢分左三個價錢。1號 燒烤，2號 燒烤加火鍋加甜品加酒精飲品，3號  燒烤加火鍋加甜品加刺身加酒精飲品。今次我地點左1號 午餐 2小時 價錢 $98 加一。價錢方面真係無得輸。校長燒肉食物方面就一定有保證，今次食過最難忘係牛扒真係好淋又多汁。食品種類都超多，食完真係非常滿足。飲品種類都非常多，不過要留意，1號餐係沒有包酒精飲品，如果要飲就要叫2號,3號餐，不過聽講個果汁酒都非常好飲。下次一定要試下個火鍋 同刺身先得。