同德素食

Open Now

Now Closed

新屎坑試新餐廳，Happy Friday緊係要預早打電話book位，星期五上午打去，好彩仲有張七點半5人枱，我被安排坐門口，因為門開關所以冷氣唔係好夠涼，最後要求服務員開大D冷氣。小食有酥炸雲吞，皮薄炸得好脆，個甜酸汁好味；沙嗲羊肉串，食得出入邊有孜然及香茅味道，點沙嗲醬真係好似食緊肉咁；金湯蟹皇翅，南瓜湯加素魚翅及小許假蟹柳，沒什麼特別；菠蘿咕嚕肉同真咕嚕肉一樣有咬口，甜酸味道調校得好；芒果香酥豆腐，豆腐滑外炸脆皮及芒果汁，新菜式，可以一試；鮮腐竹銀杏浸翠苗，一般正常齊菜；沙爹粉絲鰻魚煲，鰻魚做得好似、沙嗲粉絲入味，呢個餸好多人讚；竹笙鮑魚羅漢齋炒麵，ok。吃完有雪耳木瓜南北杏糖水送。喜歡齊菜可以一試，食品不油膩，有水準的齊菜館。