同德素食

Open Now

Now Closed

家人時不時會找「素」，原來身邊有好多素食小店值得我哋去發掘😋🔸椰香芋蓉焗豬扒飯🥇MVP😍超推薦！先講好好食嘅焗豬😍 熱辣辣上枱，混合芝士同芋頭醬汁，香氣撲鼻😍一𢳂起豬扒芝士可拉絲🤩 素豬扒有「肉」感，更吸引嘅係炒到粒粒分明嘅炒飯底！配埋個汁真係超好食！😋🔸火炙素海膽卷造型同味道都同壽司一樣，上面嘅火炙海膽咸咸地，中間有芒果、日式蘿蔔，味道唔錯👍🏻🔸金沙脆鱔絲又一停唔到口嘅小菜🤭 鱔其實都係菇菌類，炸漿金黃香脆夠薄，食落帶咸蛋黃香非常香口👍🏻🔸菠蘿咕嚕肉🍍猴頭菇一絲絲嘅「肉」質似到十足，加埋甜酸醬同配菜，輕易騙過味蕾😋🔸黑松露鹿茸菌百頁豆腐煲百頁豆腐比豆卜更柔軟，帶微微黑松露香，稍微油咗啲。🔸腰果露🤎家人每次必叫嘅腰果露，腰果味香濃嘅穩陣之選👍🏻🔸桂圓紅棗燉桃膠🟤啱晒女士嘅養顏甜品，三樣加埋無得輸👍🏻兩款甜品都唔會太甜(好難做到🤭) ，帶長輩嚟食都唔怕一齊開心share😊餐廳環境唔算好大但客似雲來，先電話預約較穩陣。環境乾淨光猛，上菜快之餘服務非常好又有禮貌。絕對值得支持嘅素食小店😊（提提餐廳只收現金💴）🐾貓奴足跡🐾🌐同德素食 (尖沙咀)📍尖沙咀寶勒巷10號1樓

最近試咗一間素食餐廳，呢度有幾款菜式值得一讚，但亦有啲普普通通。松露醬桂花蜜汁叉燒* 🍜：呢道叉燒用松露醬調味，味道香濃，配上桂花蜜汁，甜而不膩，口感非常出色，芒果香酥豆腐* 🍲：芒果香酥豆腐外皮酥脆，內裡嫩滑，芒果香氣同豆腐嘅質感配合得天衣無縫，真係好味。 鮮淮山雲耳雞煲* 🍲：呢道菜式雖然賣相唔錯，但味道上無咩特別，雞煲嘅味道比較一般。菠蘿咕嚕肉* 🍍：菠蘿咕嚕肉酸甜味道比較平淡，菠蘿唔夠鮮甜，整體味道唔係太突出。總體嚟講，呢次素食餐嘅用餐經歷有好有壞，希望餐廳可以改進啲普普通通嘅菜式，令到整體用餐體驗更加完美。

同家姐食生日飯，位處旺區的樓上店，就在天天桑拿對面，地點很方便。已來過多次，又點了捨不得不點的芒果香酥豆腐，可口美味；勁推薦的是沙嗲羊肉串，熱乎乎的很惹味；菠蘿咕嚕肉這次吃稍微酸了點，仍喜歡猴頭菇的質感；三人行；其中一人無辣不歡問了辣油這兒也有提供哈哈；另點了清淡淮山雲耳浸菜苗平衡一下煎炸物的熱氣，松子蛋白𦍑米炒飯稍稍可以炒乾身一點，沒有交枱時間，飯後舒舒服服傾下計再叫了2款甜品腰果露和杏汁雪燕分著吃，價錢也合理每人大約只200，很合朋友聚會。

生日飯餐我同友人去了食素食慶祝第一次嚟到呢度雖然地方不算大，但感覺舒適很快點我哋想食嘅嘢實在太肚餓😂一直都好想試嘅燕麥炸雞髀賣相真係似到十足，外層入口脆卜卜，裏便係一層有一層嘅腐竹，點埋個醬超好食極尚刺身拼盤裏面有牛油果，吞拿魚，三文魚，墨魚，油甘魚，吞拿魚腩各4件，口感同味道都同原身很相似，仲會有啲鮮味，自己覺得最好食係墨魚，有彈牙鮮甜口感黃耳榆耳雞絲燴雪耳湯我哋嗰日去到每一台都基本上有點湯，於是我哋都叫咗一窩試下,材料十足，香氣撲鼻，佢個湯好甜而帶點菇菌清香，搞到我哋每人飲咗兩碗竹笙如意扒鮮蔬鮮蔬係西蘭花，竹笙同黃耳經醬汁炆過後已很入味，但仍能保留竹笙爽脆，黃耳入口膠質的口感川渝水煮牛肉 這道菜非常冶味，辣辣地不太咸牛肉的質地類似豆渣嘅口感，經水煮汁煮過之後都變得好香好入味，個底到配以一啲青瓜，娃娃菜，黃耳，木耳，材料豐富好開心加上店員都有禮，食餐飯都食得好愉快😄大家也可以根據自己食嘅素食類別去揀返五辛素，蛋奶素，全素等，也留意返下午大概兩點零落場時間同埋只收現金💴

已經光顧了同德4, 5次了，每次都會食得好滿足。招牌芒果香酥豆腐每枱必叫，每次來都一定會叫。今次亦點了咕嚕蝦球，其實是用笱弱做的。兩款炸物都做得好鬆化，唔會好似其他地方有時會做得太硬或太多粉。甜酸度亦適中。另外亦叫了准山雲耳浸時蔬，湯底都很好喝，忍不住連湯都飲埋。加多個蛋白炒飯。3餸1炒飯，3個女仔食到好飽。最後埋單都只係$470 。平均每人$180有找，食得如此滿足，尖沙咀地段價格算是很相宜了。服務亦非常耐心有禮，不會予人很趕的感覺。誠意推介。今次再訪似乎比上幾次少顧客，故特意寫篇食評。希望這麼有心的素食小店可以經續經營，這兩年做飲食業真的很艱難。期待下次再光顧。

一段時間沒有同屋企人去食晚餐，所以選擇咗一間口碑比較好嘅齋菜店。雖然佢哋啲價錢唔平，但係我真係覺得物有所值！叫咗佢哋出名嘅招牌芒果蘇豆腐， 牛油忌廉芝士薄餅， 同埋一個菌湯， 仲有其他菜... 佢哋啲食物，有質素變化多。 雖然全店只得1.2個侍應（因為老闆有時會從廚房出來幫手）個侍應有時真係表現得有啲忙， 但係每次我作出詢問時， 佢都殷勤地回答，真係令我有啲感動當我結帳時想畀小費， 他立即作出拒絕，並說，因為他是佛教徒， 所以服務好對他來說是一種功德，從而不應該收小費！真係難得如果香港多啲咁嘅食肆，效果肯定好過搞啲夜繽紛嘅節目。 所以服務好壞同佢哋忙唔忙，根本冇必然的關係。

同是吃素的朋友其實也是難得所以今天約好了一起午飯來到都方便我們的地方可惜我是我們光顧時已過了午餐時間只好單點吧我們都愛冬陰公所以選定了冬陰公炒飯再加上一份准山什麼麵意外發生了我們自己點錯餐結果來了下面的一個三絲炒米粉哈哈 無所謂啦在下基本上什麼都吃同是餐飲行業也沒必要為難他人在下也嘴饞多點一份小食香芒香穌豆腐在下就是愛吃豆腐啊加上自己也喜歡的芒果這小菜在下甚是喜歡而主食在下偏向喜歡冬陰公朋友表示好辣在下是依舊沒任何辣覺還是努力加辣油😅整體而言食物正正常常 菜式眾多環境很好 也因為我們到的時候已過了午餐繁忙時段顯得格外寧靜服務比較隨意不拘謹

中菜款式多多，這一家相當有創意，我這個食肉獸也完全被他的味道和口感所震驚到了。羊肉串沒有羶味，炒飯粒粉分明又有穫氣，雞煲麻辣味道剛好又開胃，叉燒焦香帶蜜甜香。份量也很大，很適合一班朋友分享。

一行11人的素食晚餐🥬點了十多樣菜式不能盡錄今次重點介紹我喜歡的幾款🫶🏻都是(我😛)比較少吃的特別菜式~.🥭芒果香酥豆腐第一啖咬落去就是😍🥰🥹❤️芒果蓉和沙律醬十分香甜豆腐十分嫩滑外皮又白又脆~🥯台式掛包沒想會吃到這樣的素食配合其他配菜包著有點像片皮鴨之類的素叉燒感覺真的好像在吃肉刈包~🍕海鮮薄餅薄餅皮是酥皮底配上濃濃的蕃茄醬和芝士十分香脆~🥖牛油果焗法包喜歡法包上滿滿的牛油果醬🥑通常焗過的牛油果會有一陣苦青味另外一款沒拍照介紹的牛油果薄餅就有這個味道不是人人都接受到但這法包的牛油果醬上有一層厚厚的芝士芝士味蓋住了那苦澀味所以很容易入口😬🍛黑松露海鮮蛋白炒飯黑松靈很香炒飯味道不錯可以尋找不同種類的素海鮮比較容易認得出的有帶子😂🐟松子糖醋魚吃剩最後一塊才記得沒先拍照🙈雖然賣相不像一般印象中的糖醋松子魚而是有松子的糖醋味素魚塊但糖醋醬的味道很不錯酸酸甜甜十分開胃哦~

預早打定電話book枱同屋企人食晚餐～當日餐廳開門就到 入到去安排左我哋坐房😁👍🏻叫左十樣野食，每樣都好食，價錢合理。1.泰式炸蝦餅2.招牌芒果香酥豆腐3.酥炸滷大腸4.同德口水雞5.牛油果忌廉芝士薄餅6.羊肚菌浸菜苗7.菠蘿咕嚕肉8.黑松露賽磅蟹明蝦球9.炒飯（唔記得叫咩名）10.XO醬三絲炒淮山麵樓面店員十分有禮👍🏻記憶中當晚好似只有一位樓面店員 服務態度很好👍🏻另外，當日屋企人生日，我哋帶咗蛋糕去餐廳，餐廳都無額外收切餅費👍🏻仲主動問我哋要唔要刀同比埋叉+碟😁👍🏻會再有下次，十分推薦比大家！😁

唔計前菜，真係好小食凍(扮生)嘅素菜。素菜嘅領域，真係無窮無盡。 🍖芒果香酥豆腐，哩嗰係熱菜黎既。軟滑既豆腐，外皮炸得酥脆，好多時素菜都係配上唔同既醬汁以點聚味道，芒果汁再加啲新鮮芒果，真係好醒胃，配合得宜。 🍖✨️什錦壽司，就係哩個扮生既壽司。佢本身嘅顏色同形狀造得同三文魚，吞拿魚，同埋白身魚好似。三文魚仲有油脂既條紋，滑身嘅口感，好似真係食緊魚生咁。其實係蒟蒻嚟嘅。雖然好多人知，但對於我黎講仲係大鄉里出城。 🍖✨️炒羊肚菌野菜花飯，個飯炒得好香，唔知係咪仲有芝士味，牛肚菌好配合個飯同芝士，增加左咀嚼的口感。又係另一個大鄉理，一直搵唔倒飯入邊有椰菜花，原來個飯就係椰菜花。質感有啲似意大利飯，健康又可以減少碳水化合物。 🍺個湯都係羊肚菌湯，鮮甜，一如其他只齋菜館，湯水唔駛加肉都特別好味，應該係因為有大量蔬菜。

突然想响lunch食齋，第一次到同德素食，座位幾多，坐得幾舒服，見到有幾個客人都一個人嚟，lunch時間都可以一個人坐一張4人枱侍應有禮貌，我哋唔駛叫都自動自覺主動幫我哋斟水。先嚟左一個湯，入面有菇,夠熱，唔錯。老公點左個拌麵，我就點左一個lunch焗飯。等餐時間正常，我點嗰個焗飯好好食有芝士焗，入面以蔬菜為主，亦加咗牛油果去焗，好有驚喜，最重要係素，食完冇罪惡感（我食咗幾啖，先記得影相）。一定會再去。

老公找素，黎左同德素食。呢度要自己將餸菜號碼寫落紙仔俾職員。阿仔今年開始寫字，呢個任務就交俾佢啦🥳芒果香酥豆腐$98好大碟，不過都俾我哋3個三扒兩撥清碟。芒果甜，豆腐嫩滑，皮又薄又脆。仲有個芒果醬好開胃👍🏻不愧為推介菜式菠蘿咕嚕肉$108「肉」係猴頭菇，甜酸汁味道同稀濃程度剛剛好。每逢去中式素餐廳有咕嚕猴頭菇，我都一定必點，成家都鍾意食😋竹笙如意扒素蔬 $118餐牌相片係西蘭花，但上菜變咗娃娃菜。原來菜係時令，下單時可以選菜。而d菇都唔係照片咁樣，全部都好碎😅有照騙之嫌⋯⋯ 同貴左d如果得咁少仲要係娃娃菜芋頭芝士焗豬扒飯個焗豬係炒飯底，有誠意👍🏻芋頭醬同芝士估唔到又幾夾👍🏻

我茹素已經年半，大大話話都食過好幾間素食館，依間都係我心水之選，佢既食物有特色之餘，份量都唔少，我同朋友都食得好開心重點推介：1. 壽司，款款都好好味2. 蓮藕餅，一d都唔油膩

自從漆咸道嘅素食餐廳執咗後都無食過齋，之前嚟過呢幢building , 不過無留意有呢間，一層一餐廳，裝修比較古舊，weekday 1240人唔多，menu 簡單，lunch 定價由64至78,店員好有效率，我地點咗炸雞同湯飯。先嚟係湯，菇味濃，好清，幾養生咁。雞炸要做得似，就整個雞髀🍗型俾你打下卡🤣， 炸得幾脆口，涵係腐竹，所以就做唔倒雞嘅口感喇，配個菇飯。湯飯好大碗，瓜好脆口