Video
Read full review
2021-06-27
166 views
食物份量極少，非常過份！就算幾好食幾有心機都完全扣分。完全反映香港無良老闆賺到盡的心態絕對可一不可再。完全浪費時間和金錢。1. 個沙律細到不能接受！係平時去港式日式餐廳Lunch set 加$10可以有個蟹籽沙律的份量。$138的沙律再慳的餐廳都唔會有呢個size出現。而家講緊係得嗰幾塊生菜在底，上面D帶子和三文魚籽又唔係好多。我食西餐其中最重視和期待的就是沙律! 沙律是人最重要的食物，呢樣最簡單的食物亦最可以反映餐廳究竟有沒有用心去做，又知唔知個食客最重視D乜。呢間野好明顯就只係重視價錢，完全無視食客的需要。自私到極點！2. 意粉份量又係少到冇朋友。真心嬲！平時已經最憎D餐廳用的碟個邊勁大，浪費位置。大蝦意粉中間得勁少，真係少到兩啖就食完。根本唔係一間正常西餐廳提供意粉應有的份量。今次係我同男朋友，另外兩位朋友總共4個人一齊食飯。我地叫左一個沙律，一個意粉，一隻春雞和另一條鱸魚。另外兩個Main Course勉強還可以接受。但個沙律同意粉我地真心不能接受。我地食完真心唔飽要落樓下Starbucks補飛。唔怪之得佢餐牌沒有相。如果早就見到係咁既樣，一定轉場冇得傾。仲有服務質素方面。一開
絕對可一不可再。完全浪費時間和金錢。
1. 個沙律細到不能接受！係平時去港式日式餐廳Lunch set 加$10可以有個蟹籽沙律的份量。$138的沙律再慳的餐廳都唔會有呢個size出現。而家講緊係得嗰幾塊生菜在底，上面D帶子和三文魚籽又唔係好多。我食西餐其中最重視和期待的就是沙律! 沙律是人最重要的食物，呢樣最簡單的食物亦最可以反映餐廳究竟有沒有用心去做，又知唔知個食客最重視D乜。呢間野好明顯就只係重視價錢，完全無視食客的需要。自私到極點！
2. 意粉份量又係少到冇朋友。真心嬲！平時已經最憎D餐廳用的碟個邊勁大，浪費位置。大蝦意粉中間得勁少，真係少到兩啖就食完。根本唔係一間正常西餐廳提供意粉應有的份量。
今次係我同男朋友，另外兩位朋友總共4個人一齊食飯。我地叫左一個沙律，一個意粉，一隻春雞和另一條鱸魚。另外兩個Main Course勉強還可以接受。但個沙律同意粉我地真心不能接受。我地食完真心唔飽要落樓下Starbucks補飛。唔怪之得佢餐牌沒有相。如果早就見到係咁既樣，一定轉場冇得傾。
仲有服務質素方面。一開始想拎幾杯水，出面又熱又焗。佢地用個冇耳仔的透明高身玻璃杯裝熱水俾我地！其實真心唔知香港的西餐廳咁做係咩玩法。因為西餐廳係一定不會派熱水！！！！！呢個行為反映呢間野冇料扮高檔。真係當我冇去過外國食真.西餐？（只有茶餐廳先會派熱水。Ｄ熱水仲要只係拎黎洗餐具，好少用黎飲。＿即使真係特別有需要飲熱水，都會用有耳仔的咖啡杯裝熱水，唔會用高身透明玻璃杯！杯水咁熱冇可能拎到，勁危險。點解尖沙咀區的高級西餐廳會犯咁低級的錯誤？！咁好明顯呢間野根本未夠資格收呢個價錢。貴唔緊要，最緊要係重視D細節。如果客人要飲水，至少問一問要熱水定常溫水，最理想係有冰水提供。
Other Info. :
埋單時仲話本身要收minimum charge每人最少$300，不過免左我地。佢如果真係收我Minimum Charge我會即刻去消委會投訴。因為由頭到尾佢都冇講有Minimum Charge, 如果佢最後先講仲局我地俾，件事就唔會咁簡單。
呢次真係當自己唔好彩，絕對唔會再有下一次。
(The above review is the personal opinion of a user which does not represent OpenRice's point of view.)
Post