珍煮丹 (Closed)

同事用電話落單，外賣自取定外賣送餐我唔清楚，他請飲，有另一位同事負責，我點左杯黑糖珍珠厚鮮奶$34，對比真正台式店舖(香港的分店)確實中伏，根本唔值34蚊、感覺上吊高嚟賣，俾人呃錢咁既款(雖然唔係我俾錢)，但係細杯裝，人地大大杯都係34蚊，根本同麥記橙汁分量差唔多！珍珠有三分一，多有咩用？細杯係事實！加上珍珠唔值得幾多錢，而且味道一般、無口感，整體太重奶味，無特色、無風格。事實擺在我眼前，真人真事，個人感受，絕無欺騙成份，只想講唔會再買，接受唔到太細杯要$34。