低調高手大街小食

Open Now

Now Closed

我知道依間小店開左好耐，今日專登去試吓。.原味雞蛋仔$24一份，原味格仔餅$24一份，兩樣一齊買就$46，一場黎到就買足兩樣野試下，等咗大約10分鐘左右就有得食，期間可能撞正放學時間，越嚟越多人黎買野食。.原味雞蛋仔～外脆內軟，雞蛋仔嘅味道都唔錯，食完或多或少感覺到有啲熱氣。如果要挑剔嘅話，雞蛋味再突出啲就更好。.原味格仔餅～我個人反而鍾意格仔餅多啲，格仔餅皮雞蛋味較重、口感軟身、熱騰騰，配埋裏面嘅餡料，有煉奶、砂糖、花生醬，比例適中，所以覺得好正。