嘉禧餐廳 (Closed)

本來唔係好鍾意食漢堡包，但係朋友好想食所以去左，聽聞呢間餐廳的漢堡包好好食，原來就喺IFC恒生銀行總行下面。 淨係睇店外既環境，已經覺得好靚，好特別，同大街嘅擺設差別很遠。入到去個環境非常之唔錯，可以傾密計。兩個人靜靜地坐喺度，淨係飲杯野都幾好。我哋叫咗一個頭盤，係印第安吞拿魚同蟹餅，佢哋擺設得非常精緻，一食落去吞拿魚好濃郁，脂肪嘅部份比例分布剛剛好，食落口充滿魚的新鮮味道，而且好明顯佢係經過少少油剪，熱力令到吞拿魚嘅味道更為得出，表面上仲布滿左芒果嘅粒粒，酸酸地幾開胃。另外嘅蟹餅，外形有啲似薯蓉，下面配埋茄汁，蟹肉同薯仔蓉混成一體，再伴埋茄汁送落口，簡直一流。之後我哋叫咗個厚切烤豬扒三文治，非常之大件！伴埋新鮮既酸瓜同埋蕃茄，佢哋簡直係漢堡包嘅靈魂。豬扒有5cm厚，加上肉汁多，咬下去時，把乾身軟綿綿的麵包沾上了烤豬扒的味道。用刀慢慢切下，一口一口地咀嚼着，非常可口。又想簡簡單單地吃西式晚餐，這裏真是不二之選。最後我們學了一杯檸茶，結束了這次份外有情調的晚餐。若下次來吃，我會選擇套餐，每人也是三百多元，價錢合理。