Video
Read full review
2021-10-13
4901 views
鰂魚涌嘅上班族一定會經過甚至試過呢間太古坊附近嘅兩層高西餐廳，裝修好特別，加入唔少熱帶植物嘅元素🌴樓上就有個好出名嘅神秘房間，華麗嘅格局吸引咗唔少人去打卡。今次午市繁忙時間就無上去打卡啦，不過係樓下坐感覺都幾chill。呢度嘅lunch set選擇比較少，每次只有2款主菜可以揀，甜品都係得一款，而且3 courses嚟講價錢比較貴，食過一次就唔捨得再食啦🙈😂😂Swiss Onion Soup濃稠嘅餐湯，飲落幾creamy，有啲似周打忌廉湯多過洋蔥湯，不過味道都幾唔錯。Papaya Shrimp Salad有唔少爽口嘅蝦🦐仲有好多已經熟透好甜嘅木瓜粒，幾清新，不過兩者加埋味道就唔係好夾。Pan Fried Fish Cake份量都唔少，壓成圓形嘅fish cake賣相幾靚，本身以為會打到起膠，不過食落就feel到係魚肉一絲絲嘅口感，會有少許腥同鞋，面頭同入面夾雜嘅菜粒以及下面嘅番茄蓉唔係好做到同魚肉互補嘅效果，所以就一般啦😅Roasted BBQ Baby Pork Ribs呢款ribs相對就好食啲，豬肉整得好腍唔鞋，醬汁甜甜地好易入口，側邊嘅椰菜沙律coleslaw係我係英國好鍾意食嘅
Swiss Onion Soup
濃稠嘅餐湯，飲落幾creamy，有啲似周打忌廉湯多過洋蔥湯，不過味道都幾唔錯。
Papaya Shrimp Salad
有唔少爽口嘅蝦🦐仲有好多已經熟透好甜嘅木瓜粒，幾清新，不過兩者加埋味道就唔係好夾。
Pan Fried Fish Cake
份量都唔少，壓成圓形嘅fish cake賣相幾靚，本身以為會打到起膠，不過食落就feel到係魚肉一絲絲嘅口感，會有少許腥同鞋，面頭同入面夾雜嘅菜粒以及下面嘅番茄蓉唔係好做到同魚肉互補嘅效果，所以就一般啦😅
Roasted BBQ Baby Pork Ribs
呢款ribs相對就好食啲，豬肉整得好腍唔鞋，醬汁甜甜地好易入口，側邊嘅椰菜沙律coleslaw係我係英國好鍾意食嘅comfort food，係度都可以大啖大啖咁食😗😗
Mont Blanc
擺盤好靚，栗子蓉打得好幼滑，入面嘅忌廉creamy唔膩，下面仲有蛋白脆餅做底，令到口感豐富啲，只係略嫌栗子香味唔夠出。
人均消費：$210
推介指數（10分為滿分）：6.5分
Post
