Garden Bar & Restaurant

Open Now

Now Closed

一入餐廳見到bar枱已經覺得好正，餐廳用綠色草作裝飾，好輕鬆好舒服，仲有個打咭位，吸引唔少女仔食食下嘢過去影番張相。Beer Set Promotion $2684:00-9:00pm有一個啤酒set promo，有三個選擇，我地叫咗有1個main+3個小食+4枝啤酒嘅set。紅酒烤春雞配薯菜春雞有半隻，燒得非常嫩滑，咬落仲好有肉汁，外皮用紅酒醬汁醃過再烤，香烤到有少少焦香，味道好好。香炸魷魚鬚魷魚鬚好新鮮，咬感爽口彈牙，而且烤過有微微燒烤香味，再配上日式芥末醬，十分惹味。忌廉海膽餅海膽炸得好脆，餡料由忌廉、海膽，青瓜等等混合而成。相當唔錯。鱈魚乾鱈魚乾好鬆脆，味道好香，有啲似平時食開零食果隻鱈魚乾，但係鬆脆版，口感好似食薯片。腸拼盤 $138食完beer set有啲唔夠喉，所以再叫多個腸拼盤助酒，拼盤有雞肉、豬肉腸、辣肉腸、芝士腸4種腸，份量都好多。助酒一流。