To-Gather Cafe (Closed)

朋友生日打算食完lunch，下午再聚下傾計，捻唔到邊到好去，就搵左間cafe可以坐耐少少食個tea。本身以為金雞廣場都係網吧同打桌球既多，原本都有唔少餐廳係到。上到黎見到餐廳座位相當闊落，仲有好多桌上遊戲提供。除左有日常既tea set 之外仲有party set。但因為我地都食到好餓就無點到，如果唔係多既叫個party set 都好唔錯。低消每人一杯野飲，繁忙時間先有限時3個鐘。其實時間都非常充足。蜜糖雞翼配薯條，蜜糖味十分香濃，雞翼大隻有肉汁。吉列魚柳拼薯角，炸得好香脆，大大條既薯角，魚柳又夠味。new york cheesecake，口感比較硬實有濃厚既奶香味，甜度適中。blueberry cheesecake，藍莓味比較淡，相對芝士味較重，口感軟滑。同朋友係到玩board game 時間過得好歡樂，一個好好既場地，邊玩邊食。都好適合d家長帶小朋友黎，感覺親子黎都好唔錯。