鱈卵屋 (Closed)

黎到銅鑼灣先醒起今日有遊行活動，成街都好多人，不過都冇阻我今日相約朋友睇戲食好西嘅心情😁 係附近戲院睇完盜墓迷城，原來都有啲驚慄，睇到我成場戲都好肉緊，睇完即刻要搵食黎放鬆下，除咗食好西我真係諗唔到其他更好嘅舒緩心情嘅方法😄（本身為食就真）依家香港地舖租金貴，越來越多餐廳選擇做樓上鋪，其實我個人無咩特別取向，最緊要係食物衛生、乾淨企理、廚房通風做得好！鱈卵屋我同朋友都係第一次來，鋪頭size唔大，但好cozy又坐得舒服👍👍香港好多餐廳而家都分時段制，亦都唔方便坐得耐，反而呢度係約埋三五知己傾計享用美食嘅好地方。👭👬呢度食物質素很好，我哋兩個人簡單叫咗兩個刺身飯、燒銀雪魚、我朋友最愛吃嘅蛋卷、同埋share一個甜品～😋每樣野都己有驚喜，特別有幾樣係坊間未食過😆個飯都可以有幾種食法，睇得出餐廳都好有心思去諗出黎，而且刺身都好足料～希望香港會有更加多餐廳可以咁有心思，研創一啲特別好食嘅菜式！呢間餐廳仲有零售去賣一啲魚子醬嘅產品，不過我都係唔相信自己嘅烹飪技巧，想食明太子嘅話我諗我都係會再嚟鱈卵屋食😜🤗