梅光軒 (登龍街) (Closed)

近日係網上search到呢間舖頭，見到呢間拉麵好似幾吸引，於是就同朋友黎食下。入到舖頭見到全場滿座，店舖雖小，但環境好整潔，店員亦都招呼周到。坐低唔耐有日式茶，味道清清地，有熱有涷，夏天最啱！一般以為米芝連餐廳會好貴，不過呢間價錢貼地啲。首先點咗期間限定嘅沾麵，點既時候唔係好個係咩湯底，而麵黎既時候，聞到湯底好香濃，入面有紅椒絲令辣度增加，同埋有菜讓湯變得清甜。最欣賞個豬肉粒，食過好多沾麵附嘅肉粒多數好乾又無味，但呢個好冧，有肉味。另外湯底跟小匙鰹魚粒，店員話可根據自己口味增加湯嘅鮮味。味噌海鮮拉麵個湯底比想像中清，香味濃郁。麵量好足，唔怕唔夠飽。拉麵嘅經典：醬油拉麵。開始發現這間店嘅湯底都係睇落好咸，但食落就完全唔覺油膩。叉燒好好食，唔乾，擺入口感覺好冧好香。炙燒五花叉燒拉麵，個五花叉燒就真係識食之選，燒焦程度啱啱好，俾多幾塊就好，哈哈！綠茶蕨餅唔太甜，係寒天啫喱，表面沾上了滿滿既抹茶粉，作為飯後甜品剛剛好，剛好中和頭先咸香湯底。下次會再黎試下其他款式既拉麵。