Cafe Paradise (杏花邨) (Closed)

Cafe Paradise喺杏花邨站嘅杏花新城，所以交通非常方便。餐廳用色主要係粉藍色，環境非常夢幻，有好多打卡位，有旋轉木馬，仲有我同朋友坐嘅南瓜車，好啱父母帶埋小朋友嚟，或者係成班姊妹嚟食下野打下卡，真係少女心都返晒黎啊。餐廳都好闊落，啲位好鬆動，所以都坐得好舒服。嚟呢度食嘢真係會忍唔住影好多相。我同朋友兩個人叫咗一個$218嘅二人餐，已經有湯，沙律，主菜（煙鴨胸茄汁天使麵& 6分厚切西冷牛扒配燒汁），甜品同埋餐飲。餐牌仲有好多選擇，有pizza，牛扒，意粉飯等等，最平嘅都係幾十蚊，可以話係非常之抵食。我見外賣自取仲有九折添。我嗰晚嘅兩位男侍應服務態度都好殷勤，女侍應就着咗魷魚遊戲嘅綠色套裝，好緊貼潮流啊。我食西冷扒，食物質素同價錢成正比，扒好大塊，配菜豐富，有薯仔，車厘茄，翠肉瓜，粟米筍，呢個餐幾抵食。