永勝冰室 (北角)

Open Now

Now Closed

今日嚟到北角永勝冰室， 叫咗兩份下午茶， 一個擔擔雲吞拉麵 配熱奶茶， 一個豉油皇雞髀配熱奶茶， 擔擔雲吞拉麵有落花生醬， 再加埋椒油嘅香味， 聞到已經好想食， 而且辣味足夠， 拉麵有夠爽滑， 配埋四大粒菜肉雲吞，滿足之後重點推介豉油皇雞髀， 唔係出面果d已經整好曬,擺到乾柴 佢係即時生鹵，講明要等20分鐘(有誠意) 正所謂慢工出細貨， 要食好嘢就要等多陣。等咗一陣終於有得食， 一切開啲肉汁爆曬出嚟， 佢啲火喉煮得好好， 啱啱好熟， 所以肉質非常嫩滑，個雞皮加埋啲豉油絕配 之後再嘆返個熱奶茶， 非常滿足， 推薦大家去一試