Video
Read full review
2023-01-18
275 views
呢間酒吧餐廳燈光昏暗，用咗梵高嘅星月夜做主題，好有藝術氛圍🎨，幾有情調，而且座位闊落，都坐得舒服！佢啲嘢食西餐為主，仲有一個每日快閃餐牌，每日都會有一啲菜式有優惠價，勁抵食！平日都有二人餐，$428起已經包咗餐湯、小食、兩款主菜同甜品，主菜仲要有牛扒，絕對值回票價！佢仲有好多款式嘅Cocktail🥂，叫套餐都可以加錢飲返杯，同朋友聚餐都幾啱！------------------------------◖ꜱᴇᴛ ᴅɪɴɴᴇʀ ꜰᴏʀ ᴛᴡᴏ◗ $459🫕/餐湯今次嘅餐湯係粟米湯，可以問佢攞啲黑胡椒簡單調味下。個餐湯本身甜甜地，幾香但覺得帶點點酸味～🍟/牛肉醬芝士薯條有乳酪同埋芝士牛肉醬淋喺薯條上面，薯條同拉絲芝士牛肉醬一齊食，有啲似食緊薯蓉；乳酪醬帶少少奶香，食落更加滑，整體味道都幾好，但口感就唔太脆。🍝/香辣蕃茄虎蝦扁意粉有五大隻虎蝦，肉質鮮嫩彈牙；香辣蕃茄醬酸酸地辣辣地，幾開胃！意粉份量都算多，幾掛汁，口感偏硬身。🥩/香煎紐西蘭肉眼扒9安士呢個肉眼扒有驚喜，份量一啲都唔少！揀咗七成熟，裏面牛肉呈粉紅色嘅狀態，外面煎得仲有少少焦香嘅味道！牛肉唔韌，肉味香濃，一咬落去滿滿嘅肉汁，就算唔
------------------------------
◖ꜱᴇᴛ ᴅɪɴɴᴇʀ ꜰᴏʀ ᴛᴡᴏ◗ $459
🫕/餐湯
今次嘅餐湯係粟米湯，可以問佢攞啲黑胡椒簡單調味下。個餐湯本身甜甜地，幾香但覺得帶點點酸味～
🍟/牛肉醬芝士薯條
有乳酪同埋芝士牛肉醬淋喺薯條上面，薯條同拉絲芝士牛肉醬一齊食，有啲似食緊薯蓉；乳酪醬帶少少奶香，食落更加滑，整體味道都幾好，但口感就唔太脆。
🍝/香辣蕃茄虎蝦扁意粉
有五大隻虎蝦，肉質鮮嫩彈牙；香辣蕃茄醬酸酸地辣辣地，幾開胃！意粉份量都算多，幾掛汁，口感偏硬身。
🥩/香煎紐西蘭肉眼扒9安士
呢個肉眼扒有驚喜，份量一啲都唔少！揀咗七成熟，裏面牛肉呈粉紅色嘅狀態，外面煎得仲有少少焦香嘅味道！牛肉唔韌，肉味香濃，一咬落去滿滿嘅肉汁，就算唔點佢啲醬都夠惹味！仲有啲grill過嘅雜菜伴碟，索晒牛扒嘅肉汁，帶點點牛油香！
🍰/是日精選甜品
有四件仔芝士蛋糕，有原味同Oreo味，唔會好甜，細細件食完過癮得黎又唔會膩！
🌟Encore指數：8/10
Post
