Video
Read full review
2022-07-05
126 views
熱辣辣嘅天氣點都要個沙律開胃！首先叫左個和風刺身沙律 佢上面有切粒嘅三文魚、吞拿魚、油甘魚、三文魚籽同蟹籽，配上生菜同沙律菜及果香醋，沙律菜新鮮甘甜，配沙律嘅魚生更開胃醒神，份量好足兩個人share！講真，只係前菜嘅沙律都覺得師傅好有誠意！再嚟我地叫咗三款刺身，包括三文魚刺身、油甘魚刺身同當造既深海池魚刺身。首先講吓佢嘅深海池魚，夏季佢地最鮮嫩肥美，果然入口甘甜，食完齒頰留香令人回味無窮，其次的油甘魚刺身鮮美甘香，三文魚刺身油脂分布平均，冇諗到小店食材用料咁新鮮。跟住落嚟佢嘅重頭戲，包括海膽壽司、大拖羅壽司同平政魚壽司。睇圖都見佢嘅海膽軍艦壽司海膽多到爆曬出嚟😋😋重點係我平時唔太食海膽因為覺得唔新鮮會好腥，但佢嘅海膽真係令我讚不絕口！入口果種果種鮮美甘甜既口感我返到屋企都記得！因為唔新鮮嘅，我絕對唔會食，再嚟佢嘅大拖羅壽司肥而不膩，入口即溶，呢個價錢絕對物超所值。最後平政魚（成年既油甘魚）產量極其稀少，佢肉質結實呈漂亮的淡粉珍珠色，味道和口感也均是一流，令人拍案叫絕！食完生冷野，冷氣又吹耐左，開始叫番d熱食！叫左薩摩赤雞蔥串、鹿兒島黑豚肉蘆筍卷串、燒牛舌串，串燒火侯岩岩好，調味到位，牛
熱辣辣嘅天氣點都要個沙律開胃！首先叫左個和風刺身沙律 佢上面有切粒嘅三文魚、吞拿魚、油甘魚、三文魚籽同蟹籽，配上生菜同沙律菜及果香醋，沙律菜新鮮甘甜，配沙律嘅魚生更開胃醒神，份量好足兩個人share！講真，只係前菜嘅沙律都覺得師傅好有誠意！
再嚟我地叫咗三款刺身，包括三文魚刺身、油甘魚刺身同當造既深海池魚刺身。首先講吓佢嘅深海池魚，夏季佢地最鮮嫩肥美，果然入口甘甜，食完齒頰留香令人回味無窮，其次的油甘魚刺身鮮美甘香，三文魚刺身油脂分布平均，冇諗到小店食材用料咁新鮮。
跟住落嚟佢嘅重頭戲，包括海膽壽司、大拖羅壽司同平政魚壽司。睇圖都見佢嘅海膽軍艦壽司海膽多到爆曬出嚟😋😋重點係我平時唔太食海膽因為覺得唔新鮮會好腥，但佢嘅海膽真係令我讚不絕口！入口果種果種鮮美甘甜既口感我返到屋企都記得！因為唔新鮮嘅，我絕對唔會食，再嚟佢嘅大拖羅壽司肥而不膩，入口即溶，呢個價錢絕對物超所值。最後平政魚（成年既油甘魚）產量極其稀少，佢肉質結實呈漂亮的淡粉珍珠色，味道和口感也均是一流，令人拍案叫絕！
食完生冷野，冷氣又吹耐左，開始叫番d熱食！叫左薩摩赤雞蔥串、鹿兒島黑豚肉蘆筍卷串、燒牛舌串，串燒火侯岩岩好，調味到位，牛舌夠厚，雞肉大蔥相映成趣，黑豚肉蘆筍卷甘香可口。 田樂燒豆腐係將日本空運豆腐慢火煎香再用高級日本麵豉醬汁調味，豆香味道清爽嘅豆腐同濃郁香氣撲鼻嘅麵豉醬配合得天衣無縫，一個簡單小食都可以做到咁嘅效果，一個字，絕！
最後我朋友實在太大食 再叫份海老天婦羅同海膽炒飯。海老天婦羅嘅蝦好新鮮好夠大隻，天婦羅嘅粉唔會好厚但炸嘅火候啱啱好，食落口完全唔油，驚肥唔太食炸嘢嘅我都忍唔住清晒佢🤣
海膽炒飯好足料！海膽量多，成個炒飯香氣撲鼻，火候十足，而且飯夠乾身，每一啖都食到海膽嘅鮮味。對食物有要求嘅我好飽好滿足😎
Post
