棋子燒鵝 (旺角道)

Open Now

Now Closed

今日喺旺角食下午茶，求求其其去左棋子燒鵝。下午茶餐有12款揀，包熱飲一杯。不過居然冇菠蘿包供應，非常失望。棋哥燒鵝瀨粉 $45燒鵝係近鵝胸位置，質素正常冇特別，皮少少薄脆，浸得太腍，脂肪唔算厚，鵝肉唔會太乾或太韌，上面加左少少蔥花，燒鵝醬自己喺枱上面加，不過冇碟仔俾你。瀨粉份量偏少，質素就正常滑，伴有少量梛菜。棋哥叉燒瀨 $40叉燒個顏色令人有點唔開胃，食落非常麻麻，全瘦，好彩夠腍。脆皮燒腩仔飯 $40脆皮燒腩仔一客8件，的確係脆皮，不過大部份都係肥膏，好肥，自動伴有芥末醬。呢碗飯配嘅梛菜實在係少得可憐。飯量就夠飽肚。叉燒煎蛋飯 $45煎太陽蛋大大隻，撈飯好，唔怪得貴5蚊。叉燒一樣係唔多開胃咁款。特飲居然冇紅豆冰，好失望。熱杏霜味道可以，唔太假。熱阿華田偏淡。熱檸水各有3片檸檬。總括而言，價錢唔平，主要食裝修，不過座位又唔見得好乾淨，冇下次。