Seasons (Closed)

早兩星期前就預約好，與一眾英國大學同學聚會，最好就是享用英式下午茶，一解思英國之nostalgia～碰巧其中一位小女子生日，而餐廳亦細心準備了小字牌和蠟燭，令她獨有的tea set更添窩心。仲有一份細心，一開始餐廳會提供暖水，可以邊等邊warm up。Tea Set Menu:咸點有５款，有別於一般的三文治，三層架頂部的樹蕃茄凍湯配羅勒泡沫。Tea set有凍湯已經好少有，而且仲要係凍上，質感介乎湯和啫喱之間，羅勒泡沫更是我的最愛，basil味留響口腔唔散好回味～另一個咸點松露龍蝦配蛋黃醬真係有一片完整truffle響上面，散發出啖啖松露香，龍蝦肉爽口，麵包多士脆脆，不錯的combination!木盒子入面有scones (按每人份量, 傳統牛油及提子各一件)同埋甜點。Scones唔係特別鬆脆，有少少似牛油蛋糕。甜點同樣有５款，其中比較特別的有菠蘿冰棒，外面係一層白朱古力脆脆，內裏係一粒好juicy嘅菠蘿肉，甜得嚟又清新!另一款非常有驚喜的甜點就係炸黑朱古力冬甩，佢並非係一般中間空心的donut，而係Cromesqui，即係一個炸波波球，內裏係軟心流心黑朱古力，仲要係熱㗎! 所以大家暫