草民 (Closed)

依度行純樸風，打卡來講，坐喺屋仔入面就最靚啦。成個餐廳嘅環境都好有大自然嘅風格，除咗有樹葉裝飾之外，周圍仲有一啲小動物嘅佈置。啱晒我依個港女🤣🤣🤣食物方面叫咗一碟智利藍青口配忌廉汁，肉醬薯條，同埋香辣三色椒帆立貝扁意粉智利藍青口配忌廉汁我好欣賞佢嘅忌廉汁，佢嘅忌廉汁好香濃，又有說頭尾，配上青口嘅鮮味，10分夾。肉醬薯條肉醬薯條雖然$98 ，但係我又覺得物有所值，因為佢嘅用處非常多，而且同出面街嘅肉醬薯條真係有分別，佢係非常之足料，每一啖薯條再配埋肉醬都好滿足。香辣三色椒帆立貝扁意粉呢個雖然係有啲辣，但係食落又超級香，佢嘅帆立貝又有四粒，都新鮮嘅。我鍾意佢扁意粉嘅質地，唔會太軟身。嘢飲方面，一杯柚子菠蘿梳打，一杯和茗茶。入面有玫瑰花瓣，金盞菊，水蜜桃等等，俾大家參考吓，飲落去好舒服。