CHIMPZ (Closed)

餐廳係少見啲嘅地鋪cafe, 以叢林同猩猩為主題。猩猩迷宮九格$198 之前食嘅九格係日式居多，今次木盒裏面有九款西式小食， 非常精緻。個人比較鍾意煙三文魚配蟹籽、牛角包同超滑嘅黑松露炒滑蛋、直布羅陀腸同大啡菇，仲有偏酸嘅紅菜頭蕃薯沙律、牛油果沙律、 大蕃茄、菠菜。香煎北海道帶子配黑松露燴意大利飯$148帶子夠厚身大粒，煎到幾香口，配埋濃郁忌廉嘅黑松露意大利飯，幾入味。 +$38 沙律+ 是日餐湯 -南瓜湯香滑。🦪小食白汁忌廉洋蔥藍青口$78青口份量唔少，肥美又鮮甜。🍮甜品烤蘋果脆頂奶酥配雪糕$58幾驚喜,酥脆嘅奶酥餅配合烤熱焦甜嘅蘋果，加上曲奇味雪糕，唔會太甜，係冷熱交融嘅享受。法式焦糖燉蛋$68相對大碗，焦糖面燒得剛好，燉蛋滑溜。 洋甘菊花果茶$ 24清香解膩，可以一邊食甜品一邊嘆茶。