鬼滷 (Closed)

今晚去了銅鑼灣鬼滷，個名又幾特別，西式嘅裝修，中式嘅菜式，都幾配合餐廳名字，而首先送上有焦糖爆谷，非常脆口，但又不會太甜😊豉椒蜆真係好大碟，超多份量，豉椒夠晒入味，新鮮熱辣辣真係好好食😋椒鹽普寧豆腐，外層又脆又薄，內層軟綿綿，超級滑，口感非常好食，難怪見到好多人叫，真係我食過最好食嘅炸豆腐之一。潮式滷水拼盤，選了三款，好香嘅八角味道配上滷水鵝肉啖啖肉、慢煮鹽香雞夠嫩、豬腩肉肥豬肉部份食落去口感唔會覺得油膩，下面有爐一邊熱一邊食。蜆仔肉生菜包，生菜包住蜆肉，再配上脆米粉，另有一番風味。