金牌源記大排檔 (Closed)

今日約咗個朋友去深水埗大排檔食飯，入到去見到個菜單都好多嘢食，最終我哋點咗個椒鹽鮮魷，另外我朋友話好耐冇食大鱔，於是就點咗個火腩大鱔煲。先講個椒鹽鮮魷，由於佢係即刻炸嘅，所以都幾香口。另外個火腩大鱔煲，我朋友好耐冇食大鱔啊，佢覺得唔錯。坐嘅地方我地兩個人，可以坐一張細圓臺，張枱都算幾寬敞。下次嚟，可以試下呢度嘅乳鴿，啲乳鴿係現場即刻炸嘅，見到隔離台叫咗兩隻乳鴿食，我都流曬口水。同個朋友食咗一個鐘头左右，吹完水走人。