金牌源記大排檔 (Closed)

喺太子行行下，唔知食乜好，一行行到去深水埗，一轉角見到呢間大牌檔，喺路中開哂檔咁，自成一角嘅畫面好靚，然後小炒香味樸鼻而來，於是不由自主坐低左！由於同男朋友2個人，只叫左2個餸，分別係避風塘炸魚同小炒王！避風塘炸魚即叫即整，上枱熱辣辣，，外脆內軟，炸粉又唔厚，好食！平時我好中意食小炒王，覺得呢間差少少，韭菜花老左啲，所以偏硬有渣，同埋可能無炸嘅餸咁保到溫，所以食到一半都未到，就有啲變凍，下次叫送可能要注意下。

今日去咗深水埗，想地道啲，所以就同朋友諗住係街邊度食大排檔。深水埗街坊都會知道，在東耀街有幾多好出名嘅大排檔，而我就揀咗**金牌源記大排檔**。金牌源記勝在小菜有好多款式可以揀，而且好大份，抵食之餘，小菜嘅鑊氣亦都好夠。絕對係正。我叫咗佢兩個餸加一碟菜。首先嚟嘅係啫啫雞煲，佢嘅雞煲，質料非常香濃，雞肉非常脆口嫩滑，而且炒出黎嘅時候鑊氣好足。之後嚟嘅係一點魚香茄子煲，佢啲魚香茄子煲好正宗，茄子用油燙過，軟硬適中，一定唔會有好稔身嘅感覺。而且佢加咗蝦乾同埋肉碎炒同爆香，非常正。之後嚟咗碟腐乳通菜，佢啲菜炒得乾身爽口，腐乳味亦都非常香濃，碟菜唔算有太多油，適合我呢啲鍾意健康嘅人食用。我下次再經過嘅話，一定要再食埋佢其他唔同款式嘅小菜。

Proper dai pai dongs are decreasing in numbers these days so it was a shame I didn't try them when there were lots around.The ones I've seen are at Temple Street which are clearly quite touristy and pricey.Came across this one away from the rest, it is located next to a noodle stall which is also daipaidong style.It was my first time eating at a dai pai dong so it was fun watching buses and people go past.Now is a good time when the weather is cooler.In a way, it is good that I tried now rather

去完深水埗買電話咭再去食晚飯，朋友居然話去食大排檔，懷舊一下。我就想：行到成身汗，揾間有冷氣的涼一涼好d，但朋友快移民，冇乜機會食大排檔，今次就陪下佢，上網查，在深水埗耀東街有一間金牌源記大排檔，我們就依地址前往。大排檔一如往常，露天擺了數張枱，燈光比較暗，我們就坐在街上的枱，但只有兩把風扇吹住另外的一邊的客人，不好意思轉過來，可能天氣熱，地下居然見到蟑螂走過，我都冇乜胃口，就叫朋友點菜，快快食完就走。好快第一度菜就到，豉椒炒蜆，蜆都幾大隻一半開口有一半合埋，當我用手打開蜆，準備放入口，朋友立即叫停我，他說蜆有泥，有d重係臭！嚇了一跳！當我望下手上隻蜆，果然發現唔妥，有泥！因為燈光昏暗冇留意，好在朋友提我，唉！已經熱到成頭汗，朋友都吾好意思繼續食，立即埋單轉場。

朋友喜歡大排檔風味，就陪佢去深水埗源記懷舊一下，大排檔在行人路和馬路邊放有數張枱和風扇，入座後就聽到炒嘢的聲音，都幾有穫氣聲。源記小炒王$98，招牌菜當然試下，用韭菜花炒一些菜莆絲、魷魚絲、銀魚仔，還加左五粒腰果，有穫氣有口感。豉椒炒蜆$148，蜆用不少洋葱、辣椒、青椒爆炒，醬汁濃郁惹味！但天氣實在太熱，我食左兩味就已成頭汗，朋友話：呢D就係大排檔風味，之前小時候食唔會覺得熱，現在可能家家戶戶和汽車都開冷氣，令空氣污染嚴重，夏天天氣更炎熱。秋冬會舒服一點！

經常會係呢區食飯，呢間以前有食過，不過改左名之後就無去過，今日約左朋友食飯，甘就睇下改左名之後既水準點先。豉汁蒸鱔——-魚亦夠滑溜，係味道偏濃左小小。上湯菜心——-湯夠清甜，菜心爽又唸又甜椒鹽排骨——呢個炸得好脆又香口，而且唔會同平常其他鋪甘整色整水，整到成舊骨橙色甘樣，用反天然甘炸出來，顏色亦天然，須然賣相望落去無甘好睇，但食得健康，而且味道亦做得不錯👍豉油王鵝腸——新鮮鵝腸，咬落爽口又爽脆，味道更加係直得去品嚐。美食配啤酒——-認真夠哂和味又惹味🤗餐牌款式又夠多，轉左名都一樣甘好食😋

和屋企人經過深水埗福榮街， 哪裏有很多平價精品，文具，玩具。。 逛了很久， 臨近晚飯時候過咗去耀東街嗰邊开餐， 那裏有不少大排檔。已經有一段日子沒有去過 真正的大排檔， 近幾年大排檔已經餐廳化， 有加一，有冷氣， 仲要訂枱。 今晚這裏就不用了～ 近日天氣已經冇上個月咁炎熱， 加上有座大風扇， 還不算太熱吧。 揀咗《金牌源記大排檔》， 就近十字路口位。這款啤酒正做特價$20， 抵飲！餐牌選擇多 分號類別，蒸，椒鹽，煲仔， 海鮮。。《豉油皇海中蝦》 半斤$148夠鑊氣！ 海中蝦被豉油同蒜香的汁回鑊， 香氣撲鼻惹味。 蝦肉爽甜， 雖然細隻，不過都算係海蝦貨色， 鮮甜肉夠實淨！ 泡過油嘅蝦殼脆到可以食， 沾上 爆香嘅豉油汁， 非常美味！《薑蔥魚雲煲》$90每次食中菜都會點魚雲煲。 鐵煲熟辣辣發出滋滋聲， 香氣撲鼻， 勁多蔥段和炸過似薑。 魚雲大大件， 醃得入味，伴以魚頭，香囗滑溜， 味道很標準。《招牌紅燒乳鴿》每隻$68熱辣辣即叫即炸， 果然 乳鴿皮脆卜卜， 一口咬落 脆皮下嘅少少脂肪和肉汁汪滿口腔， 佐酒的確一流！ 乳鴿肉厚， 且不是bb 鴿， 髀下位置肉則有點乾。小炒王上好似幾正，仲送啤酒

好耐冇去路邊大排檔， 今天放工在深水埗， 同事 提議去《 金牌源記大排檔》。去到門口，見到幾張圓枱， 牆上貼上多款美食圖片， 更有多款經典懷舊菜， 街坊小菜， 鑊氣小炒， 非常吸引樣樣都想試。今日天氣冇之前咁炎熱， 有大風扇吹住 還不至於太熱。去到大排檔點少得一支冰凍啤酒～汽水都唔少得～天氣炎熱揀咗個［金銀蛋菜心］$62（ 是日白菜仔沽清）， 估唔到用菜心都幾特別， 粗壯嘅菜心吸滿清甜嘅上湯，皮蛋，鹹蛋，肉碎嘅精華， 味道豐富 ，冇油比較健康。仲叫咗佢嘅［招牌紅燒乳鴿］每隻$68， 滾油淋上製造脆皮嘅效果， 即叫即炸所以乳鴿皮都係脹卜卜唔會收水。 肉質唔嚡， 主打係個脆皮， 乳鴿皮又冇脂肪層，正！留意到佢嘅白飯都係好大碗， 滿滿的。小菜一般夠鑊氣， 味道唔錯， 下次人較多再試多些其他菜式。

好耐冇食過大排檔，個朋友住喺呢度附住，提議去呢間大排檔度食飯，於是就去咗。我朋友平時都有去開呢間大排檔，於是就等佢話事，佢叫咗豉油皇海蝦，揚州炒飯，金銀蛋娃娃菜。呢間鋪頭啲飯同埋啲菜嘅份量都幾多，我同我朋友兩個人都食唔曬，呢啲份量我覺得足夠三個人食。金銀蛋娃娃菜都幾足料嘅裏邊有好多皮蛋。喺度食飯坐咗一陣，都陸陸續續見到有啲遊客啊，街坊來呢度食飯，可能呢度始終係有香港特色嘅大排檔，始終吸引到一班食客。

今日約咗個朋友去深水埗大排檔食飯，入到去見到個菜單都好多嘢食，最終我哋點咗個椒鹽鮮魷，另外我朋友話好耐冇食大鱔，於是就點咗個火腩大鱔煲。先講個椒鹽鮮魷，由於佢係即刻炸嘅，所以都幾香口。另外個火腩大鱔煲，我朋友好耐冇食大鱔啊，佢覺得唔錯。坐嘅地方我地兩個人，可以坐一張細圓臺，張枱都算幾寬敞。下次嚟，可以試下呢度嘅乳鴿，啲乳鴿係現場即刻炸嘅，見到隔離台叫咗兩隻乳鴿食，我都流曬口水。同個朋友食咗一個鐘头左右，吹完水走人。

【三號風球下的大排檔】 -話說啱啱星期日打住風, 突然想食下大排檔, 就入左呢間~ 結果又幾掂-蜜椒薯仔牛柳粒 HK$98 - 大排檔既薯仔牛柳粒主角一向都係薯仔, 而佢做到應該要有既外脆內軟, 蜜糖味幾出, 鑊氣夠!.生炸脆皮乳鴿 HK$68 - 即叫即整, 上枱仲係熱辣辣, 油香一流.欖角一字骨 HK$98 - 京都骨既姐妹版本, 個味道會再濃郁啲, 餸飯一流, 而欖角係幾健康既食材!-總結嚟講鍾意食大排檔既朋友絕對可以去試一試, 今時今日真材實料既大排檔真係買少見少, 好多都搬左室內啦~

識食小炒一定食大牌檔 因為夠鑊氣同夠地道🤟🏻不過香港傳統大牌檔真係賣少見少但近日比小編搵到一間真係原始風味既真·大排檔緊係要試一試啦😋.開頭都擔心夏天坐係路邊食野會食到大汗搭細汗💦💦 好彩全程都有幾把強力風扇吹住💨🌬所以都唔會太熱☺.兩個人叫左三小菜一主食 全部都大大碟 細食既記得揾返幾個朋友開心share👭.🍖香脆南乳骨（$85）排骨炸得乾身香脆唔會油淋淋加上南乳既獨特香味令人一試再試 連同行友人都讚不絕口😋值得推薦👍🏻.🥬海味什菜煲（$85）湯底清甜 除左用左新鮮魷魚之外 仲落左乾魷魚調味🦑什菜煲用左芥蘭 菜心同生菜等幾種唔同既蔬菜 加上蔬菜同粉絲完美甘吸收左湯底既清甜 令到整道菜清淡健康得黎又不失鮮甜 味道不俗☺.🥔蜜椒薯仔牛柳粒（$98）牛柳粒帶鮮味🥩 薯仔軟腍微甜🥔.🐮乾炒牛河（$68）河粉滑溜 牛肉熟度剛好帶鮮味 鑊氣十足🔥.總括黎講 呢間大排檔既整體食物質素都唔錯😋全部都好有穫氣✨✨而且大大碟 好岩同三幾個朋友黎食鑊氣小炒啤一啤佢🍻但始終大排檔係街邊食 如果好講求餐廳既環境既朋友可能要三思啦💭人均消費：$170推介指數：👅👅👅👅👅👅👅（7.5/10）Encore 指數：🤙

跟老朋友🤣🤣🤣🤣聚舊當然要去食大排檔，仲要開返支大啤，咁先啱feel ✌✌酥炸乳鴿，南乳排骨、椒鹽鮮魷最啱送啤酒🍻再黎個啫啫通菜煲，熱辣辣夠惹味👍鑊氣夠、大大碟份量足、坐街邊嘆大啤⋯⋯呢D風味要去大排檔食先會感受得到㗎😄👏🏻金牌源記價錢合理，出品好味,確係good 嘅😄

琴晚，去了深水埗食大牌檔－金牌源記，一直好中意食大牌檔既食品，吾知道依間既味道值吾值得推薦呢？環境方面，大牌檔當然在街上食；大家可以放心吾會好熱，因為有大風扇啊！豉椒炒蜆：炒蜆份量非常多，而且每隻蜆刀有蜆肉，吾會系炒到變空殼；因以豉椒黎炒，所以味道更加惹味又香口。整碟炒蜆好夠穫氣，是最值得推介的一道菜。椒鹽鮮魷：鮮魷份量吾算好多，但每舊刀大舊。鮮魷口感比較林口，外層炸至金黃色；外皮同樣是林的，椒鹽味足夠，再點埋醬汁，酸酸地幾開胃。生炸脆皮乳鴿：依度既乳鴿相比出面既完全吾同，因乳鴿外皮真的極脆口，食落仲有脆口既聲音。乳鴿也大隻，油份會較多，乳鴿很入味。脆皮炸豬大腸：對本人來說，對豬大腸有點失望；豬大腸肥膏較多，差不多圍住大腸中間，但口感會外脆內軟，所以要睇下自己介吾介意肥膏。另外，還點了汽水。

內地同事黎香港工幹, 放工當然要盡地主之義帶佢地食返餐地道既港式晚餐---大排檔。香港宜家愈黎愈少傳統既露天大排檔, 早排搭車經過深水步就見到街巷中有一間小小半露天大排檔, 正好今晚我地就去試試!!雖然天氣熱, 但大排檔設有幾把大風扇, 空氣唔會太焗促啦~食物方面都有多款港式小炒、海鮮、粉麵等等...當然唔少得汽水同啤酒啦!【生炸脆皮乳鴿】HK$68/隻即叫即炸, 外皮香脆, 肉質唔會太乾, 不過乳鴿似乎未調味過, 所以食到原汁原味。【椒鹽鮮魷】HK$98炸皮唔算太油膩, 亦唔算太脆太熱, 有些少炸蒜增加香口, 魷魚點帶爽口。【豉椒炒蜆】HK$148幾大碟, 炒得有穫氣, 份量幾足, 豉椒汁杰而不會過鹹, 帶少少辣, 惹味~ 最緊要係D蜆冇沙, 唔錯!【椒絲腐乳通菜】HK$68通菜嫩綠爽脆, 腐乳醬杰杰地, 令每條通菜都容易掛汁, 既有穫氣, 腐乳醬又唔會過鹹, 正!