So Coco

Open Now

Now Closed

好多年前喺city’super已經買過呢個牌子嘅椰子布丁，嗰時已經覺得好好食，不過始終都算貴，所以只係食過一兩次。最近喺銅鑼灣見到呢一個品牌嘅招牌，原來開咗實體店，有幾次想食，不過都好早收就未有機會。而去到最近終於食到啦。叫咗椰子布丁，入邊有椰奶椰肉，再加埋布丁，其實幾好食，唔係淨係一舊布丁，有多重口感，但個人認為椰奶太多同埋稍為甜咗啲，如果布丁同椰肉比例多啲同減甜少少就好啦。試埋招牌椰碗，揀左珍珠同椰子雪糕。拎嗰時覺得都幾大碗，但諗真啲呢個價錢係應該要咁大碗🤣。入面有我揀咗嘅椰子雪糕同珍珠係面，下面有仙草，沙冰，同黑糖漿。黑糖漿喺最底，所以一開始食唔知有，食到最後甜到嘔，所以記得食到咁上下要攪勻。但其實我覺得黑糖太濃太甜搶晒椰味，唔落會好啲，而仙草同珍珠其實同椰子都唔係太match，不過分開食還好。食到最後個椰碗可以掘啲椰肉出嚟食，椰肉都好嫩。齋講味道，我會俾好評，但計埋價錢可能就只有中平了。