新南苑私房菜火鍋鷄煲 (華僑商業中心) (Moved) New Location

新南苑有小菜同火鍋店，今晚就和友人去旺角火鍋店，餐廳在旺角站口一分鐘左右就到。位於大廈嘅3樓，餐廳環境大，印象最深係門面嘅懷舊老照之外，就係周圍擺放咗好多模型為現場添上氣氛，食慾大增。有幾個套餐選擇，今次揀嘅係海鮮餐，食材幾豐富，有鮑魚、生蠔、脆肉鯇、虎蝦、蜆、蟶子，仲有牛頸脊同小籠湯包，同時menu紙上的配料係任剔，而現場飲品、小食蔬菜亦係任飲任食。當然仲有個招牌雞煲，雞本身七八成熟，然後再炒兩炒就可以食得，雞肉加上配料令香氣撲鼻而嚟，惹味得嚟但要忍一忍以免佔胃太多空間食唔其他嘢。椰子花膠湯底幾似火山口，當滾起時椰子口位置嘅湯特別利害，湧起上嚟似足火山爆發，所以我哋都有意無意將食材放在椰子口中灼熟，夠曬氣氛風味。食材方面，海鮮新唔新鮮一食就知，唔似得小菜可以用味精蓋過食材，呢度啲海鮮堅新鮮，我鍾意鮑魚大大隻得嚟完全唔韌，每啖食得爽勁，點些醫汁有另一番層次！其實每間店以不同主題做賣點，有啲以手功火鍋為主，逐樣收費，而新南苑就以新鮮食材同任食為主，我覺得各有特色，各自精彩，而此刻就係肚仔最滿足了。