Video
Read full review
2019-01-17
291 views
之前食過尖沙咀店，感覺相當唔錯，今晚女子組聚會有人提議再食，但地點轉為太子呢間分店，出港鐵站行幾分鐘就到，相當方便又易搵! 上埋呢條充滿"圖書"味嘅樓梯就到用餐區店內面積寬敞，設有卡位或大圓枱，樓底夠高空間感十足，加上新年佈置，作為親友食團年/新年飯都一個唔錯地方未人齊，叫D小食食住先， 呢客單骨雞翼(黑椒蜜糖味)，炸好嘅雞翼淋上蜜糖，炸漿唔太厚，輕易食到鷄肉!入口熱辣辣，蜜糖嘅香甜味中帶點黑椒嘅微辛，單骨一"算"就食晒成條肉，不出幾分鐘已經被我地KO晒!呢度以 椰子文昌雞鍋馳名，今晚搞搞新意思，黎個雙拼鍋底 : 椰子文昌雞鍋 (半隻)拼玫瑰花牛奶椰子鍋放好鍋底後，一邊係椰子水湯底，內有幾片椰肉; 另一邊為玫瑰花牛奶椰子鍋開爐等湯滾起後，再放椰子文昌雞鍋 (半隻)落椰子水湯底，以枱上沙漏計時(6分鐘)後就食得先飲湯，味道充滿椰子清甜味，鷄肉滑中略帶少少嚼口枱上有3款特色醬汁可點鷄食，亦有沙薑粒，小青檸及辣椒粒伴食食火鍋點能夠無凍飲? 呢度有特色飲品供應，睇下呢2杯外型係咪好吸引呢?! 介紹返 : 係大紫(黑加侖子梳打)及青檸梳打，夠大杯仲幾好飲，飲一啖..............爽
上埋呢條充滿"圖書"味嘅樓梯就到用餐區
店內面積寬敞，設有卡位或大圓枱，樓底夠高空間感十足，加上新年佈置，作為親友食團年/新年飯都一個唔錯地方
未人齊，叫D小食食住先， 呢客單骨雞翼(黑椒蜜糖味)，炸好嘅雞翼淋上蜜糖，炸漿唔太厚，輕易食到鷄肉!
單骨雞翼(黑椒蜜糖味)
17 views
0 likes
0 comments
入口熱辣辣，蜜糖嘅香甜味中帶點黑椒嘅微辛，單骨一"算"就食晒成條肉，不出幾分鐘已經被我地KO晒!
呢度以 椰子文昌雞鍋馳名，今晚搞搞新意思，黎個雙拼鍋底 : 椰子文昌雞鍋 (半隻)拼玫瑰花牛奶椰子鍋
放好鍋底後，一邊係椰子水湯底，內有幾片椰肉; 另一邊為玫瑰花牛奶椰子鍋
7 views
0 likes
0 comments
開爐等湯滾起後，再放椰子文昌雞鍋 (半隻)落椰子水湯底，以枱上沙漏計時(6分鐘)後就食得
先飲湯，味道充滿椰子清甜味，鷄肉滑中略帶少少嚼口
4 views
0 likes
0 comments
枱上有3款特色醬汁可點鷄食，亦有沙薑粒，小青檸及辣椒粒伴食
食火鍋點能夠無凍飲? 呢度有特色飲品供應，睇下呢2杯外型係咪好吸引呢?! 介紹返 : 係大紫(黑加侖子梳打)及青檸梳打，夠大杯仲幾好飲，飲一啖..............爽呀!
黑加侖子梳打及青檸梳打
7 views
0 likes
0 comments
打邊爐喜歡點響鈴，用佢黎索湯食真係好正，呢度有客叫響徹雲霄，即係紫菜響鈴
響徹雲霄
12 views
0 likes
0 comments
烚幾秒咬落外軟內仍然保持脆度，加埋紫菜嘅香味，又另一種唔錯嘅配搭!
日本直送野菜籃，2款蔬菜幾款菇類，仲有南瓜及粟米，將佢地放入牛奶椰子鍋內，南瓜被煮到綿滑，除左自家甜味外，仲多一份牛奶香滑感，尤如沖左一個牛奶浴!
日本直送野菜籃
7 views
0 likes
0 comments
呢客本地手切牛肉 (大)，每片切得相當工整，薄薄一片放得整齊，肉色靚仔，脂肪分佈平均
本地手切牛肉 (大)
7 views
0 likes
0 comments
入口嫩滑又有肉味，即使偶然漏夾一片，烚耐左D口感唔會變韌，個人黎講覺得切得大片返小小會仲好口感!
席中有人係"飯桶"，估唔到呢度有煲仔飯供應，臨近新年，當然要叫返個好意頭，呢客鮑羅萬有煲仔飯點睇呢?!
鮑羅萬有煲仔飯
9 views
0 likes
0 comments
份量足夠3-4人分享，飯面上有鮑魚，蝦，青口及蠔
鮑魚夠晒大隻又彈牙，用黎送飯真係幾豪，仲有脆卜卜飯焦，當然唔放過啦!
侍應不時主動換碟加湯，今晚女子組食得開心又滿足!
Post
