至尊重慶雞煲 (創興廣場)

Open Now

Now Closed

香港人一向都鍾意打邊爐，雞煲就更加係大家經常嘅選擇，正值夏天，有時都想清爽一點，椰子雞煲就係一個不錯嘅選擇。至尊重慶雞煲就推出左椰子雞煲，椰子的清甜香氣同雞肉係完美配合，食到雞肉嘅嫩滑之餘，仲有椰子同雞肉嘅鮮甜清香，真係食唔停口。而且個湯仲可以飲得，令人食慾大增。食完雞之後，用返個椰子雞湯去打邊爐絕對一絕。各款食材就例肥牛、牛肩肉、鵝腸、丸類咁都係任點任食。雖然只係200幾蚊1位，但牛肉質素一啲都唔差，嫩滑之餘又夠牛味。另外眾多配料中我最鍾意係佢嘅咸蛋王蝦丸，真係會令人忍唔住食多幾粒。除左任點嘅火鍋料，餐廳內仲有幾個大雪櫃，有多款飲品選擇，而且仲有任食嘅甜品同雪糕，真係十分超值。