四季文昌 (Closed)

朋友就快要飛🇺🇸，所以約左一大班fd一起出黎打邊爐聚下。而之前翻大陸個陣都有食過椰子雞火鍋🐔覺得味道都唔錯，想再次品嘗，見香港都有，就決定黎呢度再試下！我係收工先趕過黎，遲左少少，大家都準備好曬要食嘅菜，黎到就已經有得起筷啦🤪位置都唔錯，坐得幾闊落下，而個人都幾中意坐窗口位，中意望街景👍🏻見到大家都幾瘋狂下，擺到成檯都係，估唔到連三文魚海膽都有，個人唔係好識食海膽就不予置評啦，覺得海膽嘅味道同口感都好奇怪😂不過覺得啲雞🐔唔錯，幾滑下同米都有雞味，不過覺得椰子味就一般般，湯底唔係好甜，牛肉都唔錯，個人幾中意下，覺得個豆苗🌱都幾特別下，同米新鮮，不過就覺得有啲似一盆草🌱😂店員仲比米✂自己剪。我地都食到幾夜下，傾計傾到唔知時候，最後先走個檯，搞到都幾尷尬下，有啲唔好意思，阻住人地收工嘅感覺，真係辛苦你地啦。