大湯家 (Closed)

是日好鬼懶，唔想煮但又想飲湯，於是嚟到呢間經過幾次都未有機會嘅「大湯家」，入鋪頭時己過咗食晏時間，但係八個座位都坐滿一半。餐牌上有八款湯，各自有標明功效（當然睇完係一個字都唔會記得啦，不過對於選擇困難又唔熟識湯水功效嘅人的確係好有用嘅）。左度右度之下，我揀左椰子烏雞湯（全名唔記得），返去當晚餐嘅一部份。湯倒出嚟份量唔少，有大湯碗嘅大半碗。椰子同雞嘅香味都好強又好平衡。湯水一啲都唔油，好味又清爽。雖然湯料唔算超多，但係係百物騰貴嘅今日，都算係咁啦！