椰林閣餐廳 (Closed)

我八點鐘倒去到，叫o左個晚餐K ，「火腿辣肉腸配雞扒」配薯菜，飲白湯，白湯裡面有一舊舊白色o野，不過唔算大舊，我唔鐘意，不過好多其他食市都係咁，個湯咸o左少少。餐包夠熱牛油唔難查，好。配菜番茄係凍o既。荷蘭豆有根，食o左兩條就冇食。「火腿辣肉腸」圓型一塊直徑大概6 至7 厘米，厚約0.2 厘米，份量好似小o左o的，o的雞有三塊，睇落唔夠，食落就o岩o岩夠，味道咸o左少少。侍應小姐自動過o黎寫餐飲，好，食完個餐之後就到，好，味道唔太甜，好。