椰林閣餐廳 (Closed)

我上次去啟業村附近的椰林閣食lunch,14:15去到,好似得一個侍應做野咁,我地order左食物,轉個頭佢又去第二檯落order,完全冇諗過要交俾廚房!當佢幫完四檯人落order後,個收銀自叫佢記得交飛俾廚房,之後個侍應在場內行了一陣圈先交俾廚房!我當日叫了個餃子拉麵,一行人等到15分鐘再叫人先有人來遞餐\飲俾我地,野食?!有咁耐得咁耐!我們等到14:50,中途叫了侍應5次跟跟d野食,個男侍應居然話,你d麵,要"淥\"咁嘛!嘩,鬼唔知咩!第二檯遲過我們入來的客連焗飯都黎左食完,唔通人地的飯唔駛焗?!...椰林閣d侍應服務態度又差又冇禮貌,咁既服務態度點得架!而且唔止一間,連黃埔那間的人也如是,當住客人面前一男一女侍應在餐廳內拉手拉腳又追逐,撞到人又唔識道歉,唔該椰林閣的管理層檢討下,突擊便裝巡舖,了解下員工的工作態度和食物起菜速度啦!