甜入心 (Closed)

今日去咗深水埗一間甜品舖宵夜～我就叫左一個焦糖布甸椰皇子同埋榴槤千層蛋糕。焦糖布甸椰皇子裏面真係有細細個焦糖布甸，再淋上椰奶，每一啖都好好味！而布甸底層係椰汁加凝膠粉整成嘅啫喱，食落去入口即溶，口感好正！如果大家鍾意食椰子肉，食完個甜品仲可以刮啲椰子肉黎食，食完覺得好滿足！😆榴槤千層蛋糕表面有一小羹涷榴槤蓉，一啖食落去feel到好香榴槤味，鍾意食榴槤嘅朋友記得要試下！千層蛋糕中間夾雜奶油，食落去口感好正，而且亦都有榴槤味，推介比鍾意食榴槤嘅各位！焦糖布甸椰皇子HKD$39榴槤千層蛋糕HKD$33