Video
Read full review
2023-02-23
846 views
話說本人係附近上堂，每次上堂前都會同同學搜羅銅鑼灣嘅美食。銅鑼灣雖然美食選擇多，但好食得黎又經濟實惠嘅唔多。第一次試《仟米》嘅係炸燒賣同撈烏冬。同學就叫左咖喱三寶。當我同同學擺完粒炸燒賣落口個下，我地嘅反應係一齊哇左聲，因為真係好好味。炸燒賣：$18 / 10粒撈烏冬就不過不失，如果男士們或者大食嘅朋友仔可能要叫兩個先叫食～第二次就同同學試其他嘢食，但依舊一定會叫炸燒賣 XDD自己由於當日全日無嘢落過肚，決定試佢地嘅是日精選，叫左《炭燒雞串雞翼火腿奄列》，又再一次俾到驚喜我，$48一個飯好足料而且份量岩岩好，唔會太多又唔會太少，啲餸多到我同學話點解$48可以咁足料。家下香港地生活指數咁高，除左兩餸/三餸飯外，要食到一個好食又唔頹嘅飯至少都$60起跳。而且仲送紙包嘢飲。所以點解話佢地係業界良心就係咁解～順帶一提，仟米兩位老闆都好nice好健談，直頭可以用一見如故黎形容。好似街坊街里咁吹住水等外賣。其實當晚落堂後有再去買外賣俾屋企人食，結果老闆娘好人到裝左幾粒燒賣魚蛋免費請我食住等。物輕情義重，個下好窩心，感受到好耐無感受到嘅香港本土人情味。老闆娘講：佢地幾乎全年無休，平日會開到夜晚嘅11
每次上堂前都會同同學搜羅銅鑼灣嘅美食。
銅鑼灣雖然美食選擇多，
但好食得黎又經濟實惠嘅唔多。
第一次試《仟米》嘅係炸燒賣同撈烏冬。
同學就叫左咖喱三寶。
當我同同學擺完粒炸燒賣落口個下，
我地嘅反應係一齊哇左聲，
因為真係好好味。
炸燒賣：$18 / 10粒
撈烏冬就不過不失，
如果男士們或者大食嘅朋友仔可能要叫兩個先叫食～
第二次就同同學試其他嘢食，
但依舊一定會叫炸燒賣 XDD
自己由於當日全日無嘢落過肚，
決定試佢地嘅是日精選，
叫左《炭燒雞串雞翼火腿奄列》，
又再一次俾到驚喜我，
$48一個飯好足料而且份量岩岩好，
唔會太多又唔會太少，
啲餸多到我同學話點解$48可以咁足料。
家下香港地生活指數咁高，
除左兩餸/三餸飯外，
要食到一個好食又唔頹嘅飯至少都$60起跳。
而且仲送紙包嘢飲。
所以點解話佢地係業界良心就係咁解～
順帶一提，仟米兩位老闆都好nice好健談，
直頭可以用一見如故黎形容。
好似街坊街里咁吹住水等外賣。
其實當晚落堂後有再去買外賣俾屋企人食，
結果老闆娘好人到裝左幾粒燒賣魚蛋免費請我食住等。
物輕情義重，個下好窩心，
感受到好耐無感受到嘅香港本土人情味。
老闆娘講：佢地幾乎全年無休，
平日會開到夜晚嘅11、12點，
禮拜六日都早開，
無論大家係住附近想食個靚早餐，
定附近返屋嘅上班一族，
中午、下午茶，甚至宵夜，
仟米都為你服務～～
大家經過可以去同老闆傾下計哈哈
Post
