Video
Read full review
2021-12-07
51 views
今晚同朋友慶祝生日，所以帶佢去食日本燒肉，有個套餐好抵食又好味，仲好豐富，而且新開不久，餐廳都好乾淨，唔會好大油煙，食完D衫無燒肉味。極上二人盛合 $498+10%有6款肉, 包括A4黑毛和牛肉眼、A4黑毛和牛肩胛、美國牛小排、牛板腱、日本黑豚肉、雞腿肉，仲有2款沙律、牛油什菇、味噌湯及飯。除左有鹽同黑椒提供，仲有黃金燒肉汁，味道甜甜地，另一款鹽味燒肉汁偏咸。煙三文魚配蕃茄油醋汁沙律煙三文魚切條狀，夠肥美入口魚味都重，配油醋汁中和膩感，令沙律更清新開胃，沙律菜乾淨口感爽脆。胡麻醬豆腐配仿蟹柳沙律食燒肉食到有d熱，最岩食呢個沙律，一大件豆腐入口冰涼，胡麻醬好香，味道酸酸甜甜好消膩，仿蟹柳沙律好滋味，食完個人熱氣全消，可以再食燒肉啦。A4黑毛和牛肉眼雖然薄切，好大塊油花分佈平均，好吸引，而且燒都要少少技巧，好快燒熟食得，入口充滿牛脂香味，A4已經入口快要溶化，牛味亦都濃郁，肉質嫩彈多汁。A4黑毛和牛肩胛比起牛板腱，牛肩胛係較有彈性同咬口，肩胛位置的肉有少少筋，加上A4和牛，油脂豐富，所以才更好咬，而且越食越有脂香。美國牛小排油脂分佈都靚，牛肉味更突出，質地細膩柔軟，味道甘甜。牛板腱脂肪較少
今晚同朋友慶祝生日，所以帶佢去食日本燒肉，有個套餐好抵食又好味，仲好豐富，而且新開不久，餐廳都好乾淨，唔會好大油煙，食完D衫無燒肉味。
極上二人盛合 $498+10%有6款肉, 包括A4黑毛和牛肉眼、A4黑毛和牛肩胛、美國牛小排、牛板腱、日本黑豚肉、雞腿肉，仲有2款沙律、牛油什菇、味噌湯及飯。
除左有鹽同黑椒提供，仲有黃金燒肉汁，味道甜甜地，另一款鹽味燒肉汁偏咸。
煙三文魚配蕃茄油醋汁沙律煙三文魚切條狀，夠肥美入口魚味都重，配油醋汁中和膩感，令沙律更清新開胃，沙律菜乾淨口感爽脆。
胡麻醬豆腐配仿蟹柳沙律食燒肉食到有d熱，最岩食呢個沙律，一大件豆腐入口冰涼，胡麻醬好香，味道酸酸甜甜好消膩，仿蟹柳沙律好滋味，食完個人熱氣全消，可以再食燒肉啦。
A4黑毛和牛肉眼雖然薄切，好大塊油花分佈平均，好吸引，而且燒都要少少技巧，好快燒熟食得，入口充滿牛脂香味，A4已經入口快要溶化，牛味亦都濃郁，肉質嫩彈多汁。
A4黑毛和牛肩胛比起牛板腱，牛肩胛係較有彈性同咬口，肩胛位置的肉有少少筋，加上A4和牛，油脂豐富，所以才更好咬，而且越食越有脂香。
美國牛小排油脂分佈都靚，牛肉味更突出，質地細膩柔軟，味道甘甜。
牛板腱脂肪較少，肉質更細嫩，有點韌勁。
日本黑豚肉嫩彈肥美，豬味幾重，脂肪幾多，所以燒完更有油香。
雞腿肉估唔到雞皮燒得勁香口，平時唔食雞皮，今日真係忍唔住，入口好香脆不膩，雞腿肉非常彈牙肉嫩。
牛油什菇超級香牛油味，燒熟後加少少鹽提味，什菇吸哂牛油香，入口濕潤多汁，金針菇仲可以配燒肉食，非常美味。
米飯用日本富山縣的天盛米，粒粒飽滿分明，米香濃郁又軟綿，食燒肉一定要配日本米飯。味噌湯夠溫熱，唔會過咸，都好用心製作。
Post
