Video
Read full review
2017-12-15
2896 views
今晚同班朋友飯聚，餐廳主打食日本和牛，燒肉食法就時時食到，呢度仲有和牛刺身食。最吸引我地就係和牛盛宴，有齊九種不同部位，可以一次過品嚐各種口感同味道，好岩同朋友一齊分享。三點前菜 $30，帶點麻油香的海蜇，我比較喜歡呢款微甜香口的魚乾合桃，少見的醃蒜頭也很爽脆很特別。日本青蘋果蟹籽沙律 $78，為左平衡一陣既燒肉，點了呢款清爽的沙律，青蘋果微酸好爽口，加埋脆卜卜蟹籽帶來鮮味，清新果香令人覺得好開胃醒神，也可去掉肉食的膩感。一口芝士 $88，即點即炸，食時要小心燙口。薄薄炸衣包著爆滿的半溶芝士餡，味道夠濃郁，好有奶香的芝士味。A5近江和牛海膽丼 $780，華麗出場的丼飯，破格設計，將食材分開擺盤呈現出來。有A5近江和牛，而且卷成花形，好睇又好食，嫩粉紅的顏色，看出油脂分佈十分平均，而且油份豐富。海膽好大塊，份量頗多，表面顆粒感明顯，幾新鮮，味道濃郁又甜美。三文魚籽份量較少，但粒粒晶瑩剔透，鮮橙紅色好吸引，仲好脆口鮮味。用紫菜包刺身或與飯包來食，自由度大，任意喜好配搭。先用和牛刺身沾點蛋黃來食，好滑溜質感，入口開始溶化，油脂肪香豐腴。再沾微甜醬汁，味道變鮮甜。也可配海膽和三文魚籽，味道更有
今晚同班朋友飯聚，餐廳主打食日本和牛，燒肉食法就時時食到，呢度仲有和牛刺身食。最吸引我地就係和牛盛宴，有齊九種不同部位，可以一次過品嚐各種口感同味道，好岩同朋友一齊分享。
三點前菜
$30
19 views
0 likes
0 comments
日本青蘋果蟹籽沙律
$78
36 views
0 likes
0 comments
一口芝士
$88
32 views
0 likes
0 comments
薄薄炸衣包著爆滿的半溶芝士餡，味道夠濃郁，好有奶香的芝士味。
A5近江和牛海膽丼
$780
16 views
0 likes
0 comments
有A5近江和牛，而且卷成花形，好睇又好食，嫩粉紅的顏色，看出油脂分佈十分平均，而且油份豐富。
海膽好大塊，份量頗多，表面顆粒感明顯，幾新鮮，味道濃郁又甜美。
三文魚籽份量較少，但粒粒晶瑩剔透，鮮橙紅色好吸引，仲好脆口鮮味。
用紫菜包刺身或與飯包來食，自由度大，任意喜好配搭。先用和牛刺身沾點蛋黃來食，好滑溜質感，入口開始溶化，油脂肪香豐腴。再沾微甜醬汁，味道變鮮甜。
也可配海膽和三文魚籽，味道更有層次，有和牛脂香、海膽甜美、三文魚籽鮮味。
新奇又夠玩味，仲好好味。
極上和牛盛宴
21 views
0 likes
0 comments
餐廳還有建議食法提供，味道由淡至濃，一齊來跟我食和牛，開餐吧！燒肉每邊燒一次，見到出現血水時，就可以反另一邊燒，燒過就不要反來反去燒。
和牛牛舌，網紋明顯燒得好靚，牛舌好快燒熟，十分爽口，也帶點彈，薄切牛舌果然深得我心。
尾龍扒就較瘦，肉味不會好重，少油脂有咬感。
牛臀肉開始多點脂肪，算是牛與脂肪比例各一半，所以牛味同香味都剛好，肉質也嫩。
牛腿上肉的肉紋分明，越咬油肪溶化越香，帶點筋位，幾好咬。
牛外胸腹較熟識，一般韓式燒肉常見，肉味濃具咬感，肉中帶筋但易咬開，個人也偏好呢個部位。
牛肩位的油脂分佈有如雪花般，未食已經覺得好正，入口近乎即溶，好香牛脂味，超嫩超柔軟。
牛頸脊雪花較少較細，但嫩滑有咬口，味道更甘香。
最後有牛小排及和牛A5肉眼，兩者都是常食的部位，小排肉質結實帶筋，油脂甚豐富，燒時易搶火，但香味四溢。肉眼脂肪最多，味道也很重，肉質鮮嫩，食完有點膩。所以配日本珍珠米飯更正。
鱈場蟹腳
$268
19 views
0 likes
0 comments
先燒肉的一面，有香味轉有殻個面燒，燒到肉微收縮及轉色，就食得。
蟹腳肉厚鮮味，保持濕潤多汁，用燒熟煮法比一般煲煮，明顯有更香蟹味，非常吸引。
香芒椰汁糯米飯
$98
14 views
0 likes
0 comments
Post
