壹壹漁一 (Closed)

今晚同屋企人慶祝生日，特意係大角咀找了這間帝盛酒店的餐廳食omakase，見到係中日泰的fushion omakase都幾新潮。前菜有幾樣，分別有冰封蕃茄漬用鮮果醬淹成的果醬好好味，味道好似巨峰提子醬，用黎浸住蕃茄食，好新鮮又開胃。鮮果醬有幾種茄製成，有百合茄、車厘茄仲有兩種日本醬汁，好堅。鰹魚昆布煮花螺螺肉好彈牙，昆布煮成的汁甜甜地，帶出螺肉的鮮甜。鮑魚肝蟹籽沙律清新之作，鮑魚肝的醬汁味道甘甘地，食落都幾fresh清酒藥膳糟滷冰鎮鮑魚呢個上到台好大陣藥膳味，點知食落又唔係好苦，可能因為有滷冰中和返，所以好易入口。主食有黑湯浸鴨血呢種菜感覺好台式，鴨血好新鮮，口感好實淨，係上等鴨血。食落小辣，惹味～開水白菜浸成一朵蓮花，好有賣相天婦羅龍躉斑塊併粟米汁加咗粟米汁，香口之餘有粟米的鮮甜，減少油膩感。黑椒元蹄呢味我最鍾意，因為好入味，唔辣，炆得好腍。清酒火焰煮時令鲜貝加咗酒煮，中間會起火，好壯觀，蜆肉多肉花膠椰子燉竹絲雞湯 呢個湯係出乎意料地甜，好養顏，椰子同花膠都好好味，好抵食蒜蓉大蝦荷葉飯呢到呢一味已經好飽，但係都要試下d蝦，好甜又彈牙，蒜蓉又夠多！甜品芝麻味雪糕作結，超值的一餐！