Video
Read full review
2009-09-22
60 views
第一次寫食評竟然係比劣評，原本想不了了之，不過越諗越火，越諗越嬲。男朋友以前係度食開lunch，佢極力推舉這間Isola。論環境，對住個維港夜境，的確一流。但同好多食評人一樣，待應服務態度超級有問題，成晚鞋口鞋面咁對住你，見對佢地都食唔落，有個女待應比較好，不過Ｄ哥哥叔叔認真唔掂。可能係小妹見識少，高級餐廳既服務態度係要唔理人＋無表情，我諗都剩係IFC lee一間咁特別。食物方面，我心情已經跌到谷底，食乜都唔好味，當我試男朋友order既Risotto時，我食落發現米係硬身，分開一粒一粒硬硬地，同我平時食開軟身既Risotto有好大分別，究竟係我平時食開間餐廳煮法唔岩，定係佢地煮法有問題？當日係小妹生日，order一件tiramisu當係自己生日蛋糕。雪到好涷。唉，用一個碗裝住既tiramisu收98蚊。小妹對今次生日飯好失望，又唔想男朋友唔開心，餐飯真係食得好辛苦。一碟意粉，一碟Risotto，加一碗tiramisu，用＄700蚊貼錢買唔開心，好彩截住唔order個湯同頭盤，比這個價錢有好多其他選擇，去九龍塘食意大利菜或者係SOHO食好好多，我自己食餐飯，唔係剩係睇個境，仲有又唔係得
小妹對今次生日飯好失望，又唔想男朋友唔開心，餐飯真係食得好辛苦。一碟意粉，一碟Risotto，加一碗tiramisu，用＄700蚊貼錢買唔開心，好彩截住唔order個湯同頭盤，比這個價錢有好多其他選擇，去九龍塘食意大利菜或者係SOHO食好好多，我自己食餐飯，唔係剩係睇個境，仲有又唔係得Isola一間有維港夜境睇。
如果想去慶祝紀念日，有好多好地方，除左Isola。
Post