醉胡爐 (Moved) New Location

第一次幫襯呢間新開張嘅餐廳，就同一班朋友去試一試、順便慶生。論環境 - 佈置簡單得嚟又不失grand嘅感覺、坐位舒適又有privacy，好適合情侶、三五知己或一班人，感覺很好很好。論食物 - 魚生刺身十分新鮮、高水準、賣相都幾有心機同精緻，睇得又食得，而且仲要係由日本新鮮運到，無得彈。- 火鍋方面，不得不讚，尤其係個湯底真係不得了，個椰子🐔煱同火焰龍蝦煱真係回味無窮，手切牛美味非常，其他配料都有好多選擇，而且都係十分新鮮。- 甜品方面有兩個選擇，1）醉愛老婆芝士餅 2）焦糖鳳梨燉蛋，兩個都好好食，最估唔到個焦糖鳳梨燉蛋味道真係整得出色。論酒水 - 簡直無得輸，特別係日本清酒，選擇真係好多好多。論服務 - 每位員工都好有禮貌，而且都幾貼心，呢個真係不得不。論價錢 - 呢方面可能會偏高少少，不過論環境、食物、服務、酒水都有尚優嘅水準同選擇，所以個人覺得都係大滿足同值得嘅，絕對係encore首選。