香港魚蛋皇

Open Now

Now Closed

今日出開灣仔學畫畫， 肚餓想搵啲簡單嘅嘢食， 係軒尼詩道 見到呢一間魚蛋粉， 佢標榜食材冇味精， 啱曬崇尚健康嘅我。呢度嘅湯大有來頭， 全部都係用鯊魚骨響螺豬骨煲出嚟嘅！今次我就嗌咗碗 魚蛋河， 配炸魚皮 同埋一碟油菜， 朋友就點咗魚腐 加金錢肚米線。呢度嘅魚蛋標榜自家工場新鮮製造， 果然不假， 食得出魚蛋同坊間食到嘅有很大分別！ 彈牙唔再講， 仲好香魚肉味！ 魚片亦一樣優質！😋朋友嗰碗魚腐金錢肚米線 亦非常高質。 特別係個魚腐， 口感味道一流！👍湯底 真係幾清甜， 食得出係冇味精😊灣仔區 仲可以搵到咁價廉物美嘅美食， 簡直係今日嘅一個奇蹟。