Burger Joys (士丹利街) (Closed)

一直都好出名既’burger joys’ 想食好耐，難得出到黎港島，緊係要去試下啦！位於橫街內，但又非常吸睛！芝士牛肉漢堡第一次試新餐廳，我會試最基本既漢堡包配搭，牛肉好有肉汁，味道好濃！就連麵包都係鬆軟，雖然價錢偏貴，但係值得，因為漢堡肉係採用左100%美國安格斯牛肉打成，又有咩可能會唔好食，唔值得呢？我另加左$41要套餐 包括蒜茸薯條+$11 及奶昔+$31 薯條係幼身薯條，但香噴噴蒜味，食入口又唔油膩、仲好脆身，作為蒜痴既我表示非常好味！雲呢拿奶昔，好似好普通，飲落就好creamy 好濃雲呢拿味道！美式炸雞配車打芝士醬炸雞既炸醬同平時食開既有點啦同，好脆口，又唔會同雞肉搶味道，成件事好平衡：醬汁、炸皮、雞肉！值得一試食物真係真材實料，好好味，難怪禁具人氣！此外，逢星期四都值得一黎，下午5點到關門時間都係$3雞翼，同朋友過黎食下burger 食下雞翼，飲下野都幾開心！