新記車仔麵 (Closed)

如果喺銅鑼灣想食平平哋，我第一間就會諗到新記車仔麵！😻永遠都係座無虛席嘅新記！牆上面貼住左好多唔同嘅報道，交代佢地點樣經營呢間經典車仔檔。有啲仲嚟自日本嘅旅遊書，難怪呢度幾時都咁多遊客啦！🍜支竹+豬腩肉+片頭配米粉（$36）🥢支竹份量好多，而且好滑，係屬於新鮮支竹✨🥢Menu寫住豬腩肉係秘製，的確係幾鹹香，不過怕肥人士就唔好食啦🥢片頭就好普通，好似魚蛋咁，唔係脆嗰隻-🥬腐乳通菜（$20）🥢喺腐乳醬上面再加少少甜豉油，原來又幾好食架喎！🥢通菜剪到細細條好容易食👍🏾新記生意源源不絕真係太好，雖然多咗好多遊客，成日都要等位，不過意味着佢哋長做長有！😸