Manecy's Studio Restaurant (Closed)

今日同男朋友去銅鑼灣食飯，問咗識食嘅朋友介紹咗呢間德國西班牙餐廳 ~ 餐廳嘅佈置充滿傳統歐洲風格， 仲有個開揚嘅水吧位。餐牌選擇好多，真係花多亂~ 叫咗北海道刺身帶子及煙燻三文魚伴野菜沙律做前菜，另叫左特濃龍蝦湯拌海鮮做餐湯。主菜叫咗個西班牙菜必點嘅西班牙海鮮炒飯。有傳統同埋墨汁選擇，我叫左傳統嘅~ 見佢有幾款牛扒可以選擇 我哋叫咗個炭燒美國安格斯牛側腹扒，5成熟。 個帶子三文魚沙律賣相超靚! 煙三文魚捲成圈， 一粒巨型嘅帶子刺身好整齊咁放喺上面，旁邊伴新鮮嘅沙律菜~ 帶子刺身有略煎， 入面保留咗帶子刺身嘅仙甜味。 龍蝦湯好特別，上枱時有一條長條型嘅餅， 可以點龍蝦湯一齊食。 龍蝦湯入面有少少海鮮， 增添咗龍蝦湯嘅鮮味~ 西班牙炒飯好壯觀 有兩大隻扇貝， 青口花甲同大蝦， 材料極其豐富， 睇到個樣都好想食~ 炒飯吸收咗海鮮汁，入味好香濃。 最後係極力推介嘅安格斯牛側腹，平時比較少會食到呢個指定部位，所以呢個係必食~ 牛扒嘅熟度控制得好好，上檯時真係啱啱好煎到我要嘅5成熟， 牛肉仲帶點粉嫩~ 牛味極重， 牛肉有咬口之餘夠鬆軟。 牛扒旁邊係脆薯絲， 薯絲帶少少辣，香脆 好惹味，食唔停口~呢