露營生活

Open Now

Now Closed

雖然已經唔係第一次嚟，但係每次嚟都好欣賞餐廳對於主題餐廳嘅堅持，每樣細節都同露營有關，有好多打卡位，好有心思。今日咁啱仲撞正有live Band表演。今次轉咗套餐形式，個圓形木盤好啱打卡，一次過上晒成個套餐，任我哋決定食咩先。套餐有好多款前菜、刺身、天婦羅、燒肉。刺身方面，除咗三文魚之外，仲有三文魚腩，同埋赤背都好有驚喜。炸物方面，我就推介牛肉薯餅同魷魚。牛肉方面，依家唔止淨係得燒肉一種食法，仲有壽喜燒或涮涮鍋，但係我哋始終都覺得就咁燒肉同露營最夾，可以留返下次先再試其他。燒肉有包括來自十勝嘅豚肉，當中再細分梅頭同腩肉。聽店員介紹，之後餐廳就會再轉型做日本居酒屋，仲請咗專業嘅師傅返嚟，提供串燒同各種和食，另外，亦都會有好多唔同款嘅日本酒，期待下次再嚟。