Video
Read full review
2016-10-20
923 views
星期6日去搵間Café hea已經成為習慣雖然café愈開愈多，但講真，質素真係好參差難得遇到一間高質既café所以一定要同大家推介，仲要係極力果隻講緊既係上環新開既coffeeholicCoffeeholic其實係由台灣過黎，上環店係香港第一間分店店內分2層，佈置簡簡單單但細心睇下，又會發現有d細節位 呢張巴黎鐵塔餐枱/椅係唔係好得意呢?Iced Americano $29男友必飲既美式咖啡，我都偷飲左兩啖試下咖啡既酸味同苦味好平均而且唔會有澀味，飲落口順滑 唔錯後來同店員傾計，先知咖啡豆係由台灣調配同烘焙佢地特登mix左唔同既豆希望配製出一種比較易入口，符合大家口味既咖啡可能有人會覺得個咖啡味冇咩個性但對於對咖啡無咩研究/要求既人 (例如我)又真係幾岩口味Tropical Fruit with Lime Tea $55/pot去台灣Café當然要叫番杯水果茶啦呢到既水果茶好抵飲，其實叫一壺我覺得係夠2個人share餐廳用青檸配水果茶呢個idea幾好因為台式水果茶多數有個特點就係太甜而青檸既清香同酸味就可以中和番令水果茶香d，味道又豐富d，好聰明Sous Vide Chicken D
星期6日去搵間Café hea已經成為習慣雖然café愈開愈多，但講真，質素真係好參差
難得遇到一間高質既café
所以一定要同大家推介，仲要係極力果隻
講緊既係上環新開既coffeeholicCoffeeholic其實係由台灣過黎，上環店係香港第一間分店
店內分2層，佈置簡簡單單
但細心睇下，又會發現有d細節位
呢張巴黎鐵塔餐枱/椅係唔係好得意呢?
Iced Americano $29男友必飲既美式咖啡，我都偷飲左兩啖試下
咖啡既酸味同苦味好平均
而且唔會有澀味，飲落口順滑 唔錯
後來同店員傾計，先知咖啡豆係由台灣調配同烘焙
佢地特登mix左唔同既豆
希望配製出一種比較易入口，符合大家口味既咖啡
可能有人會覺得個咖啡味冇咩個性
但對於對咖啡無咩研究/要求既人 (例如我)
又真係幾岩口味
Tropical Fruit with Lime Tea $55/pot去台灣Café當然要叫番杯水果茶啦
呢到既水果茶好抵飲，其實叫一壺我覺得係夠2個人share
餐廳用青檸配水果茶呢個idea幾好
因為台式水果茶多數有個特點就係太甜
而青檸既清香同酸味就可以中和番
令水果茶香d，味道又豐富d，好聰明
Sous Vide Chicken Drumstick (boneless) Pasta with Fresh Tomato Sauce $118呢個意粉係我近來食過最最最滿意既意粉之一
因為要花比較長既預備時間，所以平時好少見café會有慢煮既菜式
呢個慢煮雞脾肉，正係睇相，都知佢係剛剛熟
肉質十分嫩滑而且好多肉汁
加上外皮煎得香脆，但又唔會覺得油，真係好好食
另外意粉既醬汁同配料都好新鮮
D粟米仔又甜又爽脆，新鮮到不得了
而且份量唔少，雞肉都有2大塊
真係對得住呢個價錢有餘
Italian Braised Beef with Fresh Tomato Sauce, Asparagus, Kidney Beans and Hot Spring Egg (served with Herbal Bread, Avocado Salad and Tornado Wedges) $148呢個炆牛腩都一樣好出色
牛腩炆得好軟腍但仍然有彈性
醬汁味道濃郁，但唔會太咸同太重香草味
連一齊煮既配料都好用心，例如蘆筍係先烤過
唔單止個牛好食，連配菜都一樣好出色呢個包真係鬆軟到一個點
個外層咬落去係會發出食薯片既卡卡聲
而麵包係輕軟，誇張d甘講，有少少似食緊棉花糖
當然個脆薯同埋沙律都一樣好好味
所有野都好高質素
Irresistible Chocolate Brownie +$15叫任何主食就可以加$15要件Brownie
正係見到隻碟甘得意都已經好開心
仲要連味道都一樣好好
Brownie朱古力味夠濃郁，絕對唔係用d劣質朱古力黎整
質地又夠濕潤，軟糯，如果可以要大件d就好
Matcha Brownie +$15男友叫左綠茶味
雖然我唔好綠茶甜品 (甚至都幾抗拒)
但呢個味道都唔錯，唔會太苦
呢到既食物除左烹調得好食之外
最重要係佢用左好新鮮同高質既食材
呢點其實真係好難得，雖知而家好多食肆都會將貨就價
如果你要食到D甘新鮮既食物，多數定價都會好貴
所以走果時都忍唔住同個店員大讚佢地既食物 (真係好少會甘做)
店員同我地講，台灣既總廚時不時都會黎香港做QC
而且食物供應商都係佢親自揀選既，所以食物先有甘高質素
而家已經好少見甘有heart做食物既餐廳
加上價錢又唔貴 (好多café食件頹3文治都收$80啦)
環境又舒服，侍應又友善
唯一缺點只係坐得迫少少
呢間Café真係我既訓身推薦
希望佢地可以keep住份熱情同埋高水準
大家有機會一定要去試下呀
Post
