Girlboss by Master Kama (Closed)

屯市三樓個位換咗新餐廳都一段時間，一直都想試下水準如何，於是同幾個屯門之友收工後一齊返大西北試試。入到去見到好多人都有high tea三層架，好疑惑到底要食乜野先有呢，不過原來個層架可以用黎裝沙律、小食之類，咁就有多啲空間擺野食嚕。Girlboss係賣靚既，淨係啲茶壺已經可以打咭不過同時，其實野食都幾唔錯，而且素食者完全唔愁冇選擇！有機紅藜麥椰菜花古斯檸檬芝麻沙律同蟹肉牛油果蘋果青瓜沙律，聽落好健康但又好澎湃，的確上枱既時候都冇令人失望。味道清新，排得幾精緻，不過份量唔多，只能當前菜。Shake shake雙重炸薯條有得自己揀粉，幾多選擇，有得揀就試下啲麥記冇既野啦～個人本身就好鍾意梅味味精，加上薯條都夠熱夠脆，收貨的煙肉芝士焗啡菇好濃好多芝士，不過亦因爲咁，磨菇味道似被掩蓋咗。煙肉忌廉意粉加溫泉蛋，將蛋黃撈均意粉真係好好味，意粉好有彈性。個人最推薦既其實係冬蔭功軟殼蟹意粉！首先我完全冇諗過原來冬蔭功同意粉咁夾，呢種辣辣酸酸既感覺十分爽，冇平時忌廉汁為主既意粉既膩。同埋隻蟹都幾大隻🤤順帶一提，如果有素食朋友，部分菜色肉可以分開上，咁就多返好多選擇！其實收工返屯門食飯真係好冒險，因為大家