Video
Read full review
2018-02-09
83 views
今日簡直係大奇蹟日，向來「知慳識儉」嘅細佬中咗公司新春Party現金巨獎，主動豪請食飯。鍾意食日式燒肉嘅佢，話今次係食「質」唔係食「量」，所以唔會考慮燒肉放題。咁大口氣我就唔客氣啦，揀咗來自日本嘅牛禪，肯定正宗高質。餐廳裝潢高雅，夠high class。【雪裡玉$45】新鮮火龍果加荔枝汁調配嘅沙冰，有火龍果蓉，好清爽，香濃果味又唔會過甜。【藍蝶綺蘿$55】綺羅係指華貴嘅絲織品或絲綢衣服，聽個名都好吸引。呢度取其諧音為綺「蘿」，因為係藍色嘅蝶豆花泡水後再mix菠蘿汁。望落隻色好靚，如果用個長身嘅杯相信會更華麗。味道係新鮮菠蘿汁，配燒肉就啱晒～【五品刺身】【響螺$298】咬到「嗦嗦」聲，極爽口嘅螺肉，味道超鮮甜，不過只係一隻螺嘅份量，$298真係貴咗啲。【三文魚腩$118】油脂好豐富，而且口感比之前食過嘅三文魚刺身軟滑。【牡丹蝦$78/隻】唔算大隻不過膠質重，黏黏嘅口感，蝦味濃郁。【深海池魚$188】輕輕火炙過嘅魚皮，微焦嘅香口帶鮮甜魚肉，夾！【銀線魚$188】第一次食銀線魚刺身，閃亮嘅銀色魚皮好吸睛。魚肉味濃郁。【明太子玉子燒$128】明太子係賣飛佛當然要叫啦。上枱時仲冒緊煙香噴噴，我就
餐廳裝潢高雅，夠high class。
【雪裡玉$45】新鮮火龍果加荔枝汁調配嘅沙冰，有火龍果蓉，好清爽，香濃果味又唔會過甜。
【藍蝶綺蘿$55】綺羅係指華貴嘅絲織品或絲綢衣服，聽個名都好吸引。呢度取其諧音為綺「蘿」，因為係藍色嘅蝶豆花泡水後再mix菠蘿汁。望落隻色好靚，如果用個長身嘅杯相信會更華麗。味道係新鮮菠蘿汁，配燒肉就啱晒～
【五品刺身】
【響螺$298】咬到「嗦嗦」聲，極爽口嘅螺肉，味道超鮮甜，不過只係一隻螺嘅份量，$298真係貴咗啲。
【三文魚腩$118】油脂好豐富，而且口感比之前食過嘅三文魚刺身軟滑。
【牡丹蝦$78/隻】唔算大隻不過膠質重，黏黏嘅口感，蝦味濃郁。
【深海池魚$188】輕輕火炙過嘅魚皮，微焦嘅香口帶鮮甜魚肉，夾！
【銀線魚$188】第一次食銀線魚刺身，閃亮嘅銀色魚皮好吸睛。魚肉味濃郁。
【明太子玉子燒$128】明太子係賣飛佛當然要叫啦。上枱時仲冒緊煙香噴噴，我就成件放入口，玉子仲帶少少蛋汁，濃濃嘅蛋香蛋汁同明太子嘅鹹香好夾，加上每件都厚身，食落好滿足。
【吉列豚肉$78】外皮炸得非常鬆脆，炸漿薄所以唔會感到膩滯。不過豚肉唔算好juicy，蘸甜醬油食就冇咁寡。
【極上和牛盛宴$1580】主角上場啦，啲牛肉唔係亂擺，而係根據返牛肉所屬部位嘅位置。每個部位嘅牛肉色澤、紋理都唔同。仲有張圖介紹唔同部位嘅肉味、咬口同油花等級。店員建議次序係由淡至濃咁食，一於跟足。
每個部位嘅牛肉都非常高質，印象比較深刻有：
【極上和牛牛舌】今次真係俾佢「fake咗」。一食落去已經feel到好多牛油，明明牛舌應該唔多油，睇返張圖油花都只有一級，但一級已經咁豐富，而且口感亦不失爽脆，果然係極上和牛。
【牛外胸腹】肉質勁嫩，油脂多到好似飲左啖油咁，大滿足。
【牛肩】肉中間有條透明嘅筋，但條筋食落完全唔韌，筋嘅兩邊油花分佈唔同，好特別。口感係咁多部位之中最好，爽口，有啲彈牙。
【牛頸脊】肉質軟腍，油花係五級，話佢牛油滿瀉真係毫不誇張。
【什菜盤$88】咁多肉落咗肚，要食蔬菜平衡返。鮮冬菇菇味豐富，雞脾菇同南瓜片都幾甜，高纖維幫助消化解脂。最好係食兩三款燒肉就燒下啲蔬菜食，減低膩感。
食完呢餐真係回味無窮，而家睇返啲相入面和牛嘅油花，都仲流緊口水。活著真好，多謝細佬~
Post
