Video
Read full review
2018-04-11
133 views
今日約左朋友去葵芳廣場行街shopping，買完嘢朋友提議去打邊爐，於事帶左我去附近一間叫極品煮意嘅餐廳開餐。餐廳地方闊落，侍應帶我哋坐低之後，就同我哋講解有啲乜嘢食。原來火鍋底選擇都好多，可以叫雞煲同烤魚，不過因為朋友唔係咁食得辣，所以最後揀左醉雞鍋。侍應建議頭輪先食醉雞，唔夠仲可以encore，所以如果多啲人嚟嘅話都唔怕唔夠分。朋友同我食完之後都覺得酒味好夠，雞亦新鮮，唔食得辣嘅朋友不妨試下叫依個鍋底。其他食物分餐點同自助兩類。餐點以肉為主，主打安格斯牛。我哋第一round普通肥牛同安格斯都有點，之後就剩係點安格斯牛，哈哈！無他，質素真係高一個層次，牛肉味濃，所以專攻依樣都應該回到本啦！自助食物就再分為熟食同火鍋料，建議要試下熟食，當中有多款川菜小食，好似土豆絲，手拍青瓜等都係唔錯嘅選擇。另外，自助火鍋料同一般火鍋放題類似，不過選擇實在太多，不能盡錄，總之係冇乜可能可以試得哂果隻，唯有揀自己鍾意果啲嚟試。當中想推介食店自家製嘅韮菜餃，食得出用料新鮮，仲要係一口唔大件果隻，啱哂女士們需要。仲有不得不提嘅係依度供應嘅飲品，同樣係有好多選擇，由於每個飲品櫃擺嘅飲品都唔一樣，所以真係要行哂
餐廳地方闊落，侍應帶我哋坐低之後，就同我哋講解有啲乜嘢食。原來火鍋底選擇都好多，可以叫雞煲同烤魚，不過因為朋友唔係咁食得辣，所以最後揀左醉雞鍋。侍應建議頭輪先食醉雞，唔夠仲可以encore，所以如果多啲人嚟嘅話都唔怕唔夠分。朋友同我食完之後都覺得酒味好夠，雞亦新鮮，唔食得辣嘅朋友不妨試下叫依個鍋底。
其他食物分餐點同自助兩類。餐點以肉為主，主打安格斯牛。我哋第一round普通肥牛同安格斯都有點，之後就剩係點安格斯牛，哈哈！無他，質素真係高一個層次，牛肉味濃，所以專攻依樣都應該回到本啦！
自助食物就再分為熟食同火鍋料，建議要試下熟食，當中有多款川菜小食，好似土豆絲，手拍青瓜等都係唔錯嘅選擇。另外，自助火鍋料同一般火鍋放題類似，不過選擇實在太多，不能盡錄，總之係冇乜可能可以試得哂果隻，唯有揀自己鍾意果啲嚟試。當中想推介食店自家製嘅韮菜餃，食得出用料新鮮，仲要係一口唔大件果隻，啱哂女士們需要。
仲有不得不提嘅係依度供應嘅飲品，同樣係有好多選擇，由於每個飲品櫃擺嘅飲品都唔一樣，所以真係要行哂成個場先知有啲咩嘢飲。如果各位想健康啲，仲可以試下佢哋特別泡製嘅豆漿，成渣上，包你飲得暢快。
雖然已經食咗好多醉雞，肥牛，同其他嘢食，不過都要食埋甜品先夠滿足嘅，依度有啫喱，涼粉同雪糕可以揀，我本人剩係食左涼粉同雪糕，不過已經係心入面諗緊，又係時候要節食一下，減下肥至得啦！
Post
