極品靚鍋 (Closed)

疫情過後，朋友們都頻頻相約聚舊，今晚又有好朋友相約，佢訂咗荃灣極品靚鍋圍爐共聚。火鍋店佔地全層，座位以大卡座為主，地方非常寬敞舒適。任食任飲火鍋兩小時，分別有A、B、C餐，以肉類品質和海鮮分級數。火鍋店設有自助區，各式各樣火鍋配料，分門別類擺放在凍櫃內，其他肉類海鮮就要用QR code落單。另外重有多款熟食，炆煮得好入味。我哋揀A餐。入座前亦會選定湯底，十多款火鍋湯底供選擇, 有辣有唔辣,我哋揀咗滋補紅棗椰子雞湯鍋，湯底好足料，有半隻雞、杞子、粟米、菇菌等，味道鮮甜。美國特選牛板腱：牛肉新鮮而且牛味香濃。羊肉片 羶香軟滑。日本黑豚肉片、西班牙粟飼豬梅肉片，肥瘦適中，肉質爽口, 肉味濃郁。生猛海蝦新鮮，肉質彈牙，蝦味濃郁。台式鴨血口感嫩滑，沒有腥味。手工韮菜豬肉水餃足料美味。法國藍青口青口鮮美肉嫩，手打蝦丸彈牙，薑汁黃沙豬膶爽口，白蜆肉質鮮甜又冇沙。最後梗係食甜品，啫喱、奶凍、糖水、雪糕等任你食！