雪下覓炙

Open Now

Now Closed

今日預約咗雪下覓炙食韓牛燒肉我哋預約咗中午1:00，嚟到門口有好多人等位，如果冇book位，至少都要等一個鐘頭後先有得食。好彩我哋預先喺OpenRice book咗位，我哋準時入座。入座後，我哋立即order左一份三品特選燒肉和一份牛饌燒烤。三品特選燒肉有上和牛肋肉，濟州五花肉，新瀉雞爽肉。五花肉好大一塊，兩個人都夠食，五花肉肥瘦適中好美味。雞肉嫩滑可口。牛肋肉肉汁鮮嫩美味。牛饌燒烤套餐包括牛小排，和牛牛舌，和牛三筋肉，A4和牛三角肩肉。全部都係上等靚牛肉，肉汁美味套餐仲包括有一碗牛肉湯，一碗紫菜飯，還有韓式前菜，而且仲係無限添加。總括嚟講韓牛非常出色，呢餐食得好滿足好開心。訂餐有八折，仲可以用埋海港城coupon超抵食，性價比極高。